അഗ്നിതാണ്ഡവം–പ്ലൈവുഡ് ഫാക്ടറി പൂര്‍ണമായി കത്തിയമര്‍ന്നു-കോടികളുടെ നഷ്ടം-തീ അണക്കല്‍ തുടരുന്നു-
തളിപ്പറമ്പ്: പ്ലൈവുഡ് നിര്‍മ്മാണശാലയിലെ തീപിടുത്തം തുടരുന്നു,
ഇന്നലെ രാത്രി 11.15 ന് ആരംഭിച്ച തീപിടുത്തം ഇപ്പോഴും പൂര്‍ണമായി അണയ്ക്കാന്‍ സാധിച്ചിട്ടില്ലെന്ന് അഗ്നിശമനസേനാ കേന്ദ്രങ്ങള്‍ പറഞ്ഞു.
ധര്‍മ്മശാലയിലെ അഫ്ര പ്ലൈവുഡ് കമ്പനിയാണ് പൂര്‍ണമായി കത്തിനശിച്ചത്.
കണ്ണൂര്‍, തളിപ്പറമ്പ്, പയ്യന്നൂര്‍, പെരിങ്ങോം എന്നിവിടങ്ങളില്‍ നിന്നായി പത്ത് യൂണിറ്റിലേറെ അഗ്നിശമനസേനകള്‍ സ്ഥലത്തെത്തിയാണ് തീ മറ്റിടങ്ങളിലേക്ക് പടരുന്നത് തടഞ്ഞത്.
കോടിക്കണക്കിന് രൂപയുടെ നഷ്ടം സംഭവിച്ചതായാണ് പ്രാഥമിക നിഗമനം.
ഷോര്‍ട്ട് സര്‍ക്യൂട്ടാണ് തീപിടുത്തത്തിന് കാരണമെന്നാണ് സൂചന. .
പറശിനിക്കടവ് സ്‌നേക്ക് പാര്‍ക്കിന് സമീപത്തെ ഫാക്ടറി പൂര്‍ണമായും നശിച്ചിട്ടുണ്ട്.