ഏഴുംവയലില്‍ ഇരു വിഭാഗങ്ങള്‍ ഏറ്റുമുട്ടി-നിരവധിപേര്‍ക്ക് പരിക്ക്.
പരിയാരം: ഏഴുംവയലില്‍ ഇരുവിഭാഗങ്ങള്‍ പരസ്പരം ഏറ്റുമുട്ടി, പത്തോളം പേര്‍ക്ക് പരിക്കേറ്റു.
യുവാക്കള്‍ തമ്മിലുണ്ടായ നിസാരപ്രശ്നങ്ങളാണ് തുറന്ന സംഘട്ടനത്തിലെത്തിയത്.
വിഷ്ണു, നിഷാന്ത്, രജീഷ് എന്നിവര്‍ക്കാണ് ആദ്യം മര്‍ദ്ദനമേറ്റത്.
വിനോദ്, ഷിജിന്‍, അനൂപ് എന്നിവരാണ് മര്‍ദ്ദിച്ചതെന്നാണ് പറയുന്നത്.
തമ്പി എന്നയാളും മര്‍ദ്ദനമേറ്റവരും തമ്മിലുണ്ടായ പ്രശ്നത്തില്‍ ഇടപെട്ടാണ് തമ്പിയുടെ സുഹൃത്തുക്കളായ വിനോദും സംഘവും ചേര്‍ന്ന് വിഷ്ണുവിനെയും സുഹൃത്തുക്കളായ നിഷാന്ത്, രജീഷ് എന്നിവരെ മര്‍ദ്ദിച്ചത്.
ഇതോടെ പ്രകോപിതരായ ഇവരുടെ സുഹൃത്തുക്കളായ ഒരുസംഘം ആളുകളെത്തി വിനോദ്, ഷിജിന്‍, അനൂപ് എന്നിവരെ മര്‍ദ്ദിക്കുകയായിരുന്നു.
ഇരുവിഭാഗങ്ങളും തമ്മില്‍ സിനിമാ സ്‌റ്റൈലില്‍ ഏറ്റുമുട്ടുകയായിരുന്നു.
നാട്ടുകാര്‍ വിവരമറിയിച്ചത് പ്രകാരം പരിയാരം പോലീസ് സ്ഥലത്തെത്തി.
പരിക്കേറ്റ ഇരുവിഭാഗത്തിലും പെട്ടവര്‍ പരിയാരത്തും തളിപ്പറമ്പിലും ചികില്‍സതേടി. പരിയാരം പോലീസ് രണ്ട് കേസുകള്‍ രജിസ്റ്റര്‍ ചെയ്തിട്ടുണ്ട്.