ഗുരുദക്ഷിണ ഐ ആര്‍ പി സിക്ക് നല്‍കി കളരി ഗുരുക്കള്‍
തളിപ്പറമ്പ്: ഗുരുദക്ഷിണയായി ലഭിച്ച തുക ഐ.ആര്‍.പി.സിക്ക് നല്‍കി കളരിഗുരുക്കള്‍.
ഇയ്യൂര്‍ യുവഭാരത് കളരിയില്‍ വിജയദശമി ദിവസം തനിക്ക് ലഭിച്ച ഗുരു ദക്ഷിണയാണ് ശശീന്ദ്രന്‍ ഗുരുക്കള്‍ സ്വാന്തന പ്രവര്‍ത്തനങ്ങള്‍ക്കായി ഐ ആര്‍ പി സി ക്ക് നല്‍കിയത്.
ഐ ആര്‍ പി സി ക്ക് വേണ്ടി ലോക്കല്‍ സെക്രട്ടറി കെ.വി.ബാലകൃഷ്ണന്‍ തുക ഏറ്റുവാങ്ങി.
ചടങ്ങില്‍ ഐ ആര്‍ പി സി കുറുമാത്തൂര്‍ ലോക്കല്‍ കണ്‍വീനര്‍ സി.വി. ബാലകൃഷ്ണന്‍, ചെയര്‍മാന്‍ കെ.പി.രോഹിണി, ധനേഷ്, പി.വി.രതീഷ് എന്നിവര്‍ പങ്കെടുത്തു.