സാധുക്കളെ സഹായിക്കലാണ് സ്വര്‍ഗ്ഗത്തിലേക്ക് കടക്കാനുള്ള കവാടം: സുല്‍ത്താനുല്‍ ഉലമ കാന്തപുരം എ.പി.അബൂബക്കര്‍ മുസലിയാര്‍.
പരിയാരം: സാധുക്കളെ സംരക്ഷിക്കലാണ് സ്വര്‍ഗ്ഗത്തിലേക്ക് കടക്കാനുള്ള കവാടമെന്നും, ഭാരിച്ച ഉത്തരവാദിത്വം ഏറ്റെടുക്കുന്നവരെ അള്ളാഹു ഒരിക്കലും കൈവെടിയില്ലെന്നും ഇന്ത്യന്‍ ഗ്രാന്റ് മുഫ്തി കാന്തപുരം എ.പി.അബൂബക്കര്‍ മുസലിയാര്‍ പറഞ്ഞു.
പരിയാരം എസ്.വൈ.എസ് സാന്ത്വന കേന്ദ്രത്തിന്റെ ഉദ്ഘാടനം നിര്‍വ്വഹിച്ച് സംസാരിക്കുകയായിരുന്നു അദ്ദേഹം.
പട്ടുവം കെ.പി.അബൂബക്കര്‍ മുസലിയാര്‍ അധ്യക്ഷത വഹിച്ചു.
പേരോട് അബ്ദുറഹ്‌മാന്‍ സഖാഫി മുഖ്യ പ്രഭാഷണം നടത്തി.
അഡ്മിനിസ്‌ട്രേറ്റീവ് ബ്ലോക്ക് സയ്യിദ് ഇബ്രാഹിം ഖലീലുല്‍ ബുഖാരി ഉദ്ഘാടനം ചെയ്തു. ഓഡിറ്റോറിയം ഉദ്ഘാടനം മന്ത്രി കടന്നപ്പള്ളി രാമചന്ദ്രനും ഡോര്‍മിറ്ററി കെ.സുധാകരന്‍ എം.പിയും ഫാര്‍മസി ബ്ലോക്ക് എം.വിജിന്‍ എം.എല്‍.എയും സപ്ലിമെന്റ് പ്രകാശനം ഡോ.എം.പി.ഹസന്‍കുഞ്ഞിയും നിര്‍വ്വഹിച്ചു.
സയ്യിദ് അലി ബാഫഖി തങ്ങളുടെ പ്രാര്‍ത്ഥനയോടെയാണ് പരിപാടി ആരംഭിച്ചത്. നിസാര്‍ അതിരകം റിപ്പോര്‍ട്ടവതരിപ്പിച്ചു.
സയ്യിദ് ത്വാഹ തങ്ങള്‍ സഖാഫി, അബ്ദുറഹ്‌മാന്‍ മുസലിയാര്‍ പരിയാരം, മുസ്തഫ ദാരിമി കടാങ്കോട്, ഷാഫി സഅദി കര്‍ണാടക, എം.ശ്രീധരന്‍, ടി.വി.രാജേഷ്, മാര്‍ട്ടിന്‍ ജോര്‍ജ്, അഡ്വ. അബ്ദുള്‍ കരീം ചേലേരി, ഡോ.കെ.സുദീപ്, ഡോ.സന്തോഷ് ജോയ് എന്നിവര്‍ പ്രസംഗിച്ചു.
പി.പി.അബ്ദുള്‍ ഹക്കീം സഅദി, ബി.എസ്.അബ്ദുള്ളകുഞ്ഞി ഫൈസി, പി.കെ.ആലിക്കുഞ്ഞി ദാരിമി, പള്ളങ്കോട് അബ്ദുള്‍ ഖാദര്‍ മദനി, പ്രഫ.യു.സി.അബ്ദുള്‍ മജീദ്, എം.കെ.ഹാമിദ് ചൊവ്വ, ഹനീഫ് പാനൂര്‍, കെ.അബ്ദുറഷീദ് ദാരിമി, ആര്‍.പി.ഹുസൈന്‍ മാസ്റ്റര്‍, കെ.അബ്ദുള്‍ റഷീദ് നരിക്കോട്, ഫിര്‍ദൗസ് സഖാഫി കടവത്തൂര്‍, കെ.എം.അബ്ദുള്ള കുട്ടി ബാഖവി മഖ്ദൂമി, എ.ബി.സി മുഹമ്മദ് മദനി, ഡോ.മഹമ്മൂദ് മൂത്തേടം, വി.വി.അബൂബക്കര്‍ സഖാഫി, അബ്ദുറഹ്‌മാന്‍ കല്ലായി, മുനവ്വിര്‍ അമാനി, സക്കരിയ്യ ഇര്‍ഫാനി എന്നിവര്‍ ചടങ്ങില്‍ പങ്കെടുത്തു.
സയ്യിദ് സുഹൈല്‍ അസ്സഖാഫ് മടക്കര സമാപന പ്രാര്‍ത്ഥന നടത്തി.
എസ്.വൈ.എസ് കണ്ണൂര്‍ ജില്ലാ പ്രസിഡന്റ് അബ്ദുല്‍ റഷീദ് സഖാഫി മെരുവമ്പായി സ്വാഗതവും മുഹമ്മദ് റഫീഖ് അമാനി തട്ടുമ്മല്‍ നന്ദിയും പറഞ്ഞു.