കേരളാ പോലീസ് അസോസിയേഷന്‍ സംസ്ഥാന കണ്‍വെഷന്‍ -ജൂലായ്-1 ന് കണ്ണൂരില്‍.–സംഘാടക സമിതി രൂപീകരിച്ചു
കണ്ണൂര്‍: കേരള പോലീസ് അസോസിയേഷന്‍ സംസ്ഥാന കണ്വെന്ഷന് 2023 ജൂലൈ 1 ന് കണ്ണൂര്‍ നായനാര്‍ അക്കാദമി വേദിയാവുകയാണ്.
മുഖ്യമന്ത്രി പിണറായി വിജയന്‍ കണ്വെന്ഷന് ഉദ്ഘാടനം ചെയ്യും.
കണ്‍വെന്‍ഷന്റെ വിജയകരമായ നടത്തിപ്പിന് വേണ്ടി കണ്ണൂര്‍ പോലീസ് സഭാഹാളില്‍ ചേര്‍ന്ന യോഗത്തില്‍ സംഘാടക സമിതി രൂപീകരിച്ചു.
സ്വാഗത സംഘം രൂപീകരണ യോഗം അഴീക്കോട് എം.എല്‍.എ കെ വി സുമേഷ് ഉദ്ഘാടനം ചെയ്തു.
പോലീസ് അസോസിയേഷന്‍ സംസ്ഥാന പ്രസിഡന്റ് എസ്.ആര്‍.ഷിനോദാസ് അധ്യക്ഷത വഹിച്ചു.
ക്രൈംബ്രാഞ്ച് എസ് പി പി.പി.സദാനന്ദന്‍, KPOA സംസ്ഥാന വൈസ് പ്രസിഡന്റ് ടി.ബാബു, കെ പി പി എ ജില്ലാ ജോ. സെക്രട്ടറി മുഹമ്മദ് അഷറഫ്, പോലീസ് അസോസിയേ ഷന്‍ സംസ്ഥാന വൈസ് പ്രസിഡന്റ് ജി.പി.അഭിജിത്ത്, ജോ.സെക്രട്ടറി ഇ.വി പ്രദീപന്‍, ട്രഷറര്‍ എ.സുധീര്‍ഖാന്‍ എന്നിവര്‍ സംസാരിച്ചു.
സംസ്ഥാന ജന. സെക്രട്ടറി കെ.പി.പ്രവീണ്‍ സ്വാഗതവും നിര്‍വ്വാഹകസമിതി അംഗം കെ.വി.പ്രവീഷ് നന്ദിയും പറഞ്ഞു.
സമ്മേളന നടത്തിപ്പിനായി 501 അംഗ സ്വാഗത സംഘം രൂപീകരിച്ചു. സംഘാടക സമിതി ചെയര്‍മാനായി വി.വി.സന്ദീപിയെയും വൈസ് ചെയര്‍മാനായി എം.ഷൈജുവിനെയും ജനറല്‍ കണ്‍വീനറായി വി.സിനീഷിനെയും ജോയിന്റ് കണ്‍വീനറായി എന്‍.എം.മുകേഷിനെയും തെരഞ്ഞെടുത്തു.