മാവോയിസ്റ്റ് സംഘത്തില്‍ മൊയ്തീനും സോമനും ജിഷയും പിന്നെ രണ്ടുപേരും-
കരിക്കോട്ടക്കരി: എടപ്പുഴയില്‍ എത്തിയത് മൊയ്തീനും സോമനും ജിഷയും ഉള്‍പ്പെട്ട അഞ്ചംഗ മാവോയിസ്റ്റ് സംഘം.
ഏതാണ്ട് 20 മിനുട്ടോളം എടപ്പുഴ ടൗണില്‍ ഉണ്ടായിരുന്ന മാവോയിസ്റ്റ് സംഘം വെളിച്ചം മൗലികാവകാശമാണ്, വെളിച്ചം തടയുന്ന ശക്തികള്‍ക്കെതിരെ പോരാടുക എന്ന് രേഖപ്പെടുത്തിയ പോസ്റ്ററുകള്‍ പതിക്കുകയും ലഘുലേഖകള്‍ വിതരണം ചെയ്യുകയും ചെയ്തു.
സി.പി.ഐ മാവോയിസ്റ്റ് കബനിദളം എന്ന് പോസ്റ്ററില്‍ രേഖപ്പെടുത്തിയിട്ടുണ്ട്.
അഞ്ചുപേരും ആയുധധാരികളായതിനാല്‍ നാട്ടുകാര്‍ ഭയന്ന് പിന്‍മാറുകയായിരുന്നു.
നക്‌സല്‍ വിരുദ്ധ സേന ഉള്‍പ്പെടെയുള്ള സംഘം സ്ഥലത്തെത്തിയിട്ടുണ്ട്.
തമിഴ്‌നാട്ടില്‍ നിന്നും കേരളത്തില്‍ നിന്നുമുള്ള ചിലര്‍ പുതുതായി കബനിദളത്തില്‍ ചേര്‍ന്നതായി പോലീസിന് വിവരം ലഭിച്ചിട്ടുണ്ടെങ്കിലും അവരെ തിരിച്ചറിയാന്‍ സാധിച്ചിട്ടില്ല.
നാളെ കൂടുതല്‍ സേനാംഗങ്ങല്‍ തിരച്ചലിന് എത്തുമെന്നാണ് സൂചന.
കഴിഞ്ഞ ജൂണ്‍ 10 ന് വയനാട് കര്‍ണാടക അതിര്‍ത്തിയില്‍ ആയുധധാരികളായ മാവോയിസ്റ്റുകളെ കണ്ടതായി വിവരം ലഭിച്ചിട്ടുണ്ട്.