കഞ്ചാവും എം.ഡി.എം.എയും: അഫ്രീദിയും അര്‍ഷാദും പിടിയില്‍.
തളിപ്പറമ്പ്: എം.ഡി.എം.എയും കഞ്ചാവുമായി രണ്ട് യുവാക്കള്‍ തളിപ്പറമ്പ് എക്‌സൈസിന്റെ പിടിയിലായി.
എക്‌സൈസ് റേഞ്ച് ഓഫീസിലെ ഇന്‍സ്‌പെക്ടര്‍ പി.സുരേഷും സംഘവും തളിപ്പറമ്പ് ടൗണ്‍, മന്ന ഭാഗങ്ങളില്‍ നടത്തിയ പരിശോധനയില്‍
തളിപ്പറമ്പ് മന്ന എന്ന സ്ഥലത്ത് വെച്ച് KL.86.5207 മോട്ടോര്‍ ബൈക്കില്‍ കടത്തുകയായിരുന്ന 452 mg MDMA യും കഞ്ചാവുമായി ചുടലയില്‍ താമസിക്കുന്ന കെ.മുഹമ്മദ് അഫ്രീദി(26) ഞാറ്റൂവയലിലെ സി.അര്‍ഷാദ(30) എന്നിവരെ അറസ്റ്റ് ചെയ്ത് എന്‍.ഡി.പി.എസ്. കേസെടുത്തു.
അസിസ്റ്റന്റ് എക്‌സൈസ് ഇന്‍സ്‌പെക്ടര്‍ (ഗ്രേഡ്) പി.കെ.രാജീവന്‍, പ്രിവന്റീവ് ഓഫീസര്‍ (ഗ്രേഡ് ) കെ.വി.നികേഷ്, സിവില്‍ എക്‌സൈസ് ഓഫീസര്‍മാരായ പി.പി.റെനില്‍ കൃഷ്ണന്‍, എ.വി.സജിന്‍, വനിത സിവില്‍ എക്‌സൈസ് ഓഫീസര്‍ എം.പി.അനു, ഡ്രൈവര്‍ സി.വി.അനില്‍ കുമാര്‍ എന്നിവരും സംഘത്തില്‍ ഉണ്ടായിരുന്നു.