ജ്വല്ലറി മാനേജരെ കാണാതായി; പോലീസ് അന്വേഷണം തുടങ്ങി.
ആലക്കോട്: ജ്വല്ലറി മാനേജരെ കാണാനില്ലെന്ന പരാതിയില്‍ പോലീസ് കേസെടുത്ത് അന്വേഷണമാരംഭിച്ചു.
ആലക്കോട് ടൗണില്‍ പ്രവര്‍ത്തിക്കുന്ന സോനാ ഗോള്‍ഡ് എന്ന ജൂവലറി സ്ഥാപനത്തിലെ മാനേജര്‍ ചിറ്റാരിക്കാല്‍ നല്ലോമ്പുഴ സ്വദേശി കാവുംപുറത്ത് വീട്ടില്‍ ജോബി ജോര്‍ജിനെയാണ്(40)കാണാതായത്.
ഇന്നലെ വൈകുന്നേരം നാലിന് വാഹനത്തിന്റെ ടയര്‍മാറ്റിയിടാനായി ആലക്കോട്ടെ വീല്‍ടെക്ക് എന്ന സ്ഥാപനത്തിലേക്ക് പോകുന്നതായി പറഞ്ഞ് ജ്വല്ലറിയില്‍ നിന്ന് പുറത്തേക്ക് പോയ ജോബി തിരിച്ചുവരാത്തതിനെ തുടര്‍ന്ന് ഫോണ്‍ വിളിച്ചപ്പോള്‍ സ്വിച്ചോഫ് ചെയ്ത നിലയിലായിരുന്നു.
കൂടെ ജോലി ചെയ്യുന്ന നെല്ലിപ്പാറയിലെ ചെട്ടിയ വീട്ടില്‍ അരുണ്‍രാജ് ഇന്നലെ രാത്രി പത്തരക്കാണ് ആലക്കോട് സ്‌റ്റേഷനിലെത്തി പരാതി നല്‍കിയത്. ജോബി സാമ്പത്തിക പ്രയാസത്തിലായിരുന്നുവെന്നാണ് സൂചന.