കണ്ണൂര്‍ ഗവ.മെഡിക്കല്‍ കോളേജില്‍ ശമ്പളപ്രതിസന്ധി: 14 ന് കുത്തിയിരിപ്പ് സമരം.
പരിയാരം: കണ്ണൂര്‍ ഗവ.മെഡിക്കല്‍ കോളേജില്‍ വീണ്ടും ശമ്പള പ്രതിസന്ധി.
സപ്തംബറിലെ ശമ്പളം ഇന്നുവരെയും ലഭിക്കാത്തതിനെ തുടര്‍ന്ന് ജീവനക്കാര്‍ പ്രതിഷേധവുമായി രംഗത്തുവന്നിരിക്കയാണ്.
നേരത്തെ ഒരു മാസത്തോളം ശമ്പളം മുടങ്ങിയ അവസ്ഥവന്നിരുന്നുവെങ്കിലും അത് പരിഹരിക്കപ്പെട്ടിരുന്നു.
എന്നാല്‍ വീണ്ടും പ്രതിസന്ധി ഉടലെടുത്തിരിക്കയാണ്.
പ്രതിസന്ധി ഉടന്‍ പരിഹരിക്കണമെന്നാവശ്യപ്പെട്ട് 14 ന് തിങ്കളാഴ്ച്ച രാവിലെ മുതല്‍ എന്‍.ജി.ഒ യൂണിയന്റെ ആഭിമുഖ്യത്തില്‍ മെഡിക്കല്‍ കോളേജിന് മൂന്നില്‍ കുത്തിയിരിപ്പ് സമരം നടത്തും.