കയ്യേറിയ കെട്ടിടത്തിന്റെ മര ഉരുപ്പടികള്‍ കടത്തിയതായി പോലീസില്‍ പരാതി.
പരിയാരം: കണ്ണൂര്‍ ഗവ. മെഡിക്കല്‍ കോളേജ് കാമ്പസിലെ പഴയ ടി.ബി സാനിട്ടോറിയത്തിന്റെ ഭാഗമായ വാര്‍ഡ് പൊളിച്ച് മര ഉരുപ്പടികള്‍ കടത്തിക്കൊണ്ടുപോയതായി പോലീസില്‍ പരാതി.
മുസ്ലിം ലീഗ് നേതാക്കളായ കടന്നപ്പള്ളി-പാണപ്പുഴ പഞ്ചായത്തംഗം ജംഷീര്‍ ആലക്കാടും പരിയാരം പഞ്ചായത്തംഗം പി.വി.അബ്ദുള്‍ ഷുക്കൂറുമാണ് രേഖാമൂലം പരാതി നല്‍കിയത്.
കെട്ടിടത്തിന്റെ മേല്‍പ്പുര പൊളിച്ച് മര ഉരുപ്പടികള്‍ പാംകോസ് എന്ന സഹകരണ സ്ഥാപനത്തിന്റെ ആളുകള്‍ കടത്തിക്കൊണ്ടുപോയെന്നും, കെട്ടിടം പൊളിക്കുന്നത് അടിയന്തിരമായി തടയണമെന്നുമാണ് പരാതിയില്‍ ആവശ്യപ്പെട്ടിരിക്കുന്നത്.
അനുമതി വാങ്ങാതെ സി.പി.എം നിയന്ത്രണത്തിലുള്ള പരിയാരം മെഡിക്കല്‍ കോളേജ് എംപ്ലോയീസ് കോ-ഓപ്പറേറ്റീവ് സൊസൈറ്റ്(പാംകോസ്) എന്ന സഹകരണ സ്ഥാപനം ബാങ്ക് ആരംഭിക്കാനായി കെട്ടിടം കയ്യേറി നിര്‍മ്മാണ പ്രവര്‍ത്തനം നടത്തുന്നതായ ആരോപണം ശക്തിപ്പെടുന്നതിനിടയിലാണ് പോലീസില്‍ പരാതി.
പരിയാരം പോലീസ് അത് സംബന്ധിച്ച് അന്വേഷണം ആരംഭിച്ചു.