പരിയാരം പ്രസ്‌ക്ലബ്ബ് നാടിന്റെ ശബ്ദമായി മാറി-സി.എം.വേണുഗോപാലന്‍- ആഹ്‌ളാദ നിറവില്‍ കൃസ്തുമസ്-പുതുവല്‍സരാഘോഷം-
പരിയാരം പ്രസ്‌ക്ലബ്ബ് നാടിന്റെ ശബ്ദമായി മാറി-സി.എം.വേണുഗോപാലന്‍- ആഹ്‌ളാദ നിറവില്‍ കൃസ്തുമസ്-പുതുവല്‍സരാഘോഷം-
പരിയാരം: വളരെ ചുരുങ്ങിയ കാലത്തിനുള്ളില്‍ നാടിന്റെ ശബ്ദമായി മാറാന്‍ പരിയാരം പ്രസ്‌ക്ലബ്ബിന് സാധിച്ചിട്ടുണ്ടെന്ന് ചെറുതാഴം ബേങ്ക് പ്രസിഡന്റും എഴുത്തുകാരനുമായ സി.എം.വേണുഗോപാലന്‍.
പരിയാരം പ്രസ്‌ക്ലബ്ബ് വുഡ്ഗ്രീന്‍ റിസോര്‍ട്ടില്‍ സംഘടിപ്പിച്ച കൃസ്തുമസ്-പുതുവത്സരാഘോഷം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
പ്രസ്‌ക്ലബ്ബ് പ്രസിഡന്റ് ടി.വി.പത്മനാഭന്‍ മാസ്റ്റര്‍ അധ്യക്ഷത വഹിച്ചു. സുസ്ഥിര ഡയരക്ടര്‍ സണ്ണി ആശാരിപ്പറമ്പില്‍ കൃസ്തുമസ് സന്ദേശം നല്‍കി.
സംസ്ഥാനത്തെ മികച്ച സഹകാരിയായി അംഗീകാരങ്ങള്‍ നേടിയ സി.എം.വേണുഗോപാലനെ പ്രസ്‌ക്ലബ്ബ് പ്രസിഡന്റ് ടി.വി.പത്മനാഭന്‍ മാസ്റ്റര്‍ പൊന്നാടയണിയിച്ച് ആദരിച്ചു.
വി.വി.വിജയന്‍, കരിമ്പം.കെ.പി.രാജീവന്‍, ജയരാജ് മാതമംഗലം, അനില്‍ പുതിയ വീട്ടില്‍, ഒ.കെ.നാരായണന്‍ നമ്പൂതിരി, പപ്പന്‍ കുഞ്ഞിമംഗലം, കെ.രഞ്ജിത്ത്, സി.രാജീവന്‍, പ്രണവ് പെരുവാമ്പ, ശ്രീകാന്ത് അഹാന്‍ പാണപ്പുഴ, ദിനേശന്‍ മറവന്‍, ബെന്നി വുഡ് ഗ്രീന്‍സ് എന്നിവര്‍ പ്രസംഗിച്ചു.