നവ കേരള സദസ് പഴയങ്ങാടിയില്‍ കെ.എസ്.യു നേതാക്കള്‍ പോലീസ് കസ്റ്റഡിയില്‍
പഴയങ്ങാടി: നവ കേരള സദസ്സിന് മുന്നോടിയായി പഴയങ്ങാടിയില്‍ കെ.എസ്.യു- യൂത്ത് കോണ്‍ഗ്രസ് നേതാക്കളെ പോലീസ് അറസ്റ്റ് ചെയ്തു. കെ.എസ്.യു കല്യാശ്ശേരി ബ്ലോക്ക് പ്രസിഡന്റ് മുഹമ്മദ് റാഹിബ്, മുബാസ്, സുഫൈല്‍ സുബൈര്‍, അര്‍ഷാദ് എന്നിവരെയാണ് പോലീസ് അറസ്റ്റ് ചെയ്തത്.
നേതാക്കളെ കരുതല്‍ തടങ്കലിലാക്കുന്ന പോലിസ് നടപടിയെ ശക്തമായി പ്രതിരോധിക്കും-വി.രാഹുല്‍
പ്രതിഷേധം ഭയന്ന് പിണറായിയുടെ പോലിസ് വിദ്യാര്‍ഥി-യുവജന നേതാക്കളെ കരുതല്‍ തടങ്കലിലാക്കാനാണ് ശ്രമിക്കുന്നതെങ്കില്‍ അതിനെ യൂത്ത് കോണ്‍ഗ്രസ് ശക്തമായി പ്രതിരോധിക്കുമെന്ന് യൂത്ത് കോണ്‍ഗ്രസ് സംസ്ഥാന ജന.സെക്രട്ടറി വി.രാഹുല്‍. ജില്ലയില്‍ മുന്‍കാലങ്ങളില്‍ മുഖ്യമന്ത്രിക്കും മന്ത്രിമാര്‍ക്കുമെതിരെ മുന്‍കാലങ്ങളില്‍ വിവിധ വിഷയങ്ങളില്‍ സ്വീകരിച്ച പ്രതിഷേധ പരിപാടികളെക്കാള്‍ ശക്തമായ പ്രതിഷേധം യൂത്ത് കോണ്‍ഗ്രസ് സംഘടിപ്പിക്കുമെന്നും അദ്ദേഹം പ്രസ്താവനയില്‍ പറഞ്ഞു.