ആശുപത്രിയില്‍ ഫയര്‍ഫോഴ്‌സ് വക ഓപ്പറേഷന്‍ സക്‌സസ്.
പിലാത്തറ: കൈവിരലില്‍ മോതിരം കുടുങ്ങിയ പിലാത്തറ ഹോപ്പിലെ അന്തേവാസിക്ക് പയ്യന്നൂര്‍ ഫയര്‍ഫോവ്‌സ് ആശുപത്രിയിലെത്തി ഓപ്പറേഷന്‍ നടത്തി. സി.പി.അനീഷിന്റെ കൈവിരലില്‍ കുടുങ്ങിയ മോതിരം അഗ്‌നിരക്ഷാ സേന ആശുപത്രിയില്‍ വച്ച് മുറിച്ചുമാറ്റിയത്. അനീഷിന്റെ ഇടതു കയ്യിലാണ് ഒരു വിരലില്‍ തന്നെ 2 സ്റ്റീല്‍ മോതിരങ്ങള്‍ കുടുങ്ങിയത്. പഴുത്ത് നീരുവച്ച നിലയിലായിലാണ് ഇയാളെ ഹോപ്പ് ്ധികൃതര്‍ പയ്യന്നൂര്‍ അനാമയ ആശുപത്രിയില്‍ പ്രവേശിപ്പിച്ചത്. ഡോക്ടര്‍മാര്‍ക്ക് ഇതില്‍ ഒന്നും ചെയ്യാനാവാതെ വന്നതോടെയാണ് ഡോക്ടര്‍മാരുടെ നിര്‍ദ്ദേശപ്രകാരം പയ്യന്നൂര്‍ ഫയര്‍ഫോഴ്‌സിനെ വിളിച്ചത്. അസിസ്റ്റന്റ് സ്റ്റേഷന്‍ ഓഫീസര്‍ സി.പി.ഗോകുല്‍ദാസ്, ഗ്രേഡ് സീനിയര്‍ ഫയര്‍ ആന്‍ഡ് റെസ്‌ക്യൂ ഓഫിസര്‍ പി.വി.സുമേഷ്, ഫയര്‍ ആന്‍ഡ് റെസ്‌ക്യൂ ഓഫിസര്‍മാരായ പി.സത്യന്‍, യുവിനീഷ് എന്നിവരാണ് ആശുപത്രിയിലെത്തി മോതിരം മുറിച്ചുനീക്കിയത്. വിരലുകള്‍പഴുത്ത് നീരുവെച്ചതിനാല്‍ രോഗിക്ക് വേദന ഉണ്ടാവാതിരിക്കാന്‍ ഏറെ സമയമെടുത്ത് ശസ്ത്രക്രിയ ചെയ്യുന്നതിനേക്കാള്‍ സൂക്ഷ്മതയോടെയാണ് ഫയര്‍ഫോഴ്‌സ് മോതിരം മുറിച്ചുമാറ്റിയത്.