ട്രെയിന്‍ തട്ടി മരിച്ച നിലയില്‍ കണ്ടെത്തി.
തലശ്ശേരി: യുവാവിനെ ട്രെയിന്‍തട്ടി മരിച്ച നിലയില്‍ കണ്ടെത്തി.
ധര്‍മ്മടം പോലീസ് സ്റ്റേഷന്‍ പരിധിയില്‍ കൊടുവള്ളി ആമുക്ക പള്ളിക്ക് സമീപം റെയില്‍വേ ട്രാക്കിലാണ് കൊടുവള്ളി ചിറമ്മല്‍ കപ്പിത്താന്‍ വീട്ടില്‍ സാബിത്തിനെ(48) ട്രെയിന്‍ തട്ടി മരിച്ച നിലയില്‍ കണ്ടെത്തിയത്.
ഇന്ന് പുലര്‍ച്ചയോടെയാണ് സംഭവം.
കപ്പിത്താന്‍ വീട്ടില്‍ അസീസ്-സുഹറ ദമ്പതികളുടെ മകനാണ്.
സഹോദരങ്ങള്‍ മുഹമ്മദ് താഹ, സൗദ.
തലശ്ശേരി കായ്യത്ത് റോഡിലെ വ്യാപാര സ്ഥാപനത്തിലെ ജീവനക്കാരനാണ് മരിച്ച സാബിത്ത്.