പോലീസ് അസോസിയേഷനുകളുടെ സംയുക്താഭിമുഖ്യത്തില്‍ യാത്രയയപ്പ് നല്‍കി.
ഇരിട്ടി: കേരള പോലീസ് അസോസിയേഷന്റെയും കേരള പോലീസ് ഓഫീസേഴ്‌സ് അസോസിയേഷന്റെയും കണ്ണൂര്‍ റൂറല്‍ ജില്ലാ കമ്മറ്റികളുടെ സംയുക്താഭിമുഖ്യത്തില്‍ സര്‍വീസില്‍ നിന്നും വിരമിക്കുന്ന ഇരിട്ടി സബ് ഇന്‍സ്‌പെക്ടര്‍ എ.ജെ.ജെയിംസിന് യാത്രയയപ്പ് നല്‍കി.
ഇരിട്ടി സബ് ഡിവിഷണല്‍ ഡെപ്യൂട്ടി സൂപ്രണ്ട് ഓഫ് പോലീസ് സജേഷ് വാഴാളപ്പില്‍ ചടങ്ങ് ഉദ്ഘാടനം ചെയ്തു.
ഇരിട്ടി സ്റ്റേഷന്‍ ഹൗസ് ഓഫീസര്‍ കെ.ജെ. വിനോയി അധ്യക്ഷത വഹിച്ചു.
കേരള പോലീസ് അസോസിയേഷന്‍ ജില്ലാ സെക്രട്ടറി കെ.പ്രിയേഷ്, ഇരിട്ടി എസ് ഐ നിബിന്‍ ജോയ്, കേരള പോലീസ് അസോസിയേഷന്‍ സംസ്ഥാന നിര്‍വാഹ സമിതി അംഗം ടി.വി.ജയേഷ്, പി ആര്‍ ഒ അശോകന്‍, എസ് ഐ പ്രശാന്ത്, അഡീഷണല്‍ എസ് ഐ ബേബി എന്നിവര്‍ സംസാരിച്ചു.
കേരള പോലീസ് അസോസിയേഷന്‍ ജില്ലാ പ്രസിഡന്റ് എം.കെ.സാഹിദ, കേരള പോലീസ് ഓഫീസേഴ്‌സ് അസോസിയേഷന്‍ ജില്ലാ ജോ.സെക്രട്ടറി എന്‍.വി.രമേശന്‍, ജില്ലാ വൈസ് പ്രസിഡന്റ് കെ.പ്രസാദ്, കെ.പി.എ ജില്ലാ വൈസ് പ്രസിഡന്റ് ഇ.ആര്‍.സുരേഷ് എന്നിവര്‍ സംബന്ധിച്ചു.
കെ.പി.ഒ.എ ജില്ലാ സെക്രട്ടറി കെ.പി.അനീഷ് സ്വാഗതവും ജില്ലാ കമ്മിറ്റിയംഗം പി.കെ. ജഗദീഷ് നന്ദിയും പറഞ്ഞു. തുടര്‍ന്ന് കരോക്കെ ഗാനമേളയും അരങ്ങേറി.