ബോര്ഡ് പൊട്ടി താഴ്ന്നു-തലനാരിഴക്ക് അപകടം ഒഴിവായി-
പരിയാരം: കനത്ത കാറ്റിലും മഴയിലും കണ്ണൂര് ഗവ.മെഡിക്കല് കോളേജിന്റെ കൂറ്റന് ബോര്ഡ് പൊട്ടി താഴ്ന്നു.
ഇന്നലെ ഉച്ചയോടെയാണ് സംഭവം.
കോളേജ് പ്രവേശനകവാടത്തിന് മുകളില് സ്ഥാപിച്ച ബോര്ഡാണ് പൊട്ടിയത്. ഇത് താഴെ പോര്ട്ടിക്കോയിലേക്ക് തൂങ്ങിക്കിടക്കുകയായിരുന്നു.
രോഗികളും കൂട്ടിരിപ്പുകാരും കൂടിനില്ക്കുന്ന ഇവിടെ ബോര്ഡ് പൂര്ണമായും പൊട്ടിവീഴാത്തത് കാരണം വലിയ ദുരന്തം ഒഴിവായി.
എങ്കിലും ആംബുലന്സുകള്ക്കും വാഹനങ്ങല്ക്കുംആശുപത്രിയിലേക്ക് കടന്നുവരാന് തടസം നേരിട്ടതോടെ ആശുപത്രി അധികൃതര് മെഡിക്കല് സൂപ്രണ്ട് ഡോ.കെ.സുദീപുമായി ബന്ധപ്പെട്ടു.
അദ്ദേഹം ഇടപെട്ടതോടെ ഒരു മണിക്കൂറിനകം ബോര്ഡ് എടുത്തുമാറ്റി പ്രശ്നങ്ങല് പരിഹരിച്ചു.
വര്ഷങ്ങള് പഴക്കമുള്ള ബോര്ഡാണ് പൊട്ടി താഴ്ന്ന് ഭീഷണിപരത്തിയത്.