പയ്യന്നൂരിലെ 2 ലക്ഷം പിടിച്ചുപറി തളിപ്പറമ്പിലെ മൂന്ന് യൂവാക്കള് അറസ്റ്റില്
പയ്യന്നൂര്: പയ്യന്നൂരില് ഗ്യാസ് ഏജന്സി ജീവനക്കാരനെ ആക്രമിച്ച് പണം തട്ടിയ കേസില് തളിപ്പറമ്പ് സ്വദേശികളായ മൂന്ന് യുവാക്കളെ പോലീസ് അറസ്റ്റു ചെയ്തു.
തളിപ്പറമ്പ് പട്ടുവം സ്വദേശി കൊവ്വന് ഹൗസില് മുഹമ്മദ് അജ്മല് (23), തളിപ്പറമ്പ് മന്ന യിലെ മൈലാകത്ത് ഹൗസില് മുഹമ്മദ് റുഫൈദ് (21), മുയ്യം മുണ്ടേരി സ്വദേശി മുഹമ്മദ് റിസ്വാന് (18) എന്നിവരെയാണ് പയ്യന്നൂര് എസ്.ഐ പി യദുകൃഷ്ണനും സംഘവും അറസ്റ്റ് ചെയ്തത്.
ബൈക്കിലെത്തിയ സംഘം മ തടഞ്ഞുനിര്ത്തി 2,05,400 രൂപയടങ്ങിയ ബാഗാണ് പിടിച്ചുപറിച്ചു രക്ഷപ്പെട്ടത്.
പയ്യന്നൂര് മഹാദേവഗ്രാമത്തിലെ ചുവ്വാട് കുഞ്ഞിവീട്ടില് സി.കെ.രാമകൃഷ്ണനാണ്(59)പിടിച്ചുപറിക്കിരയായത്.
ചെറുകുന്ന് അന്നപൂര്ണേശ്വരി ഗ്യാസ് ഏജന്സി ജീവനക്കാരനാണ്. കളക്ഷനുമായി രാത്രി ഏഴരയോടെ വീട്ടിലേക്ക് പോവുകയായിരുന്നു രാമകൃഷ്ണന്.
വീഴ്ച്ചയില് പരിക്കേറ്റ രാമകൃഷ്ണനെ പയ്യന്നൂരരിലെ സ്വകാര്യ ആശുപത്രിയില് പ്രവേശിപ്പിച്ചിരുന്നു.