സ്‌നേഹാരാമം പദ്ധതി ഉദ്ഘാടനം ചെയ്തു.
പരിയാരം: കെ.കെ.എന്‍ പരിയാരം ഗവ: വൊക്കേഷണല്‍ ഹയര്‍ സെക്കണ്ടറി എന്‍ എസ് എസ് യൂനിറ്റും പരിയാരം ഗ്രാമപഞ്ചായത്തും ചേര്‍ന്ന് മാലിന്യ നിര്‍മാര്‍ജന പദ്ധതിയുടെ ഭാഗമായി സ്‌നേഹാരാമം എന്ന പരിപാടിക്ക് തുടക്കം കുറിച്ചു.
അലക്ഷ്യമായി റോഡിലും പൊതുസ്ഥലത്തും വലിച്ചെറിയുന്ന മാലിന്യങ്ങള്‍ നീക്കം ചെയ്ത് അവിടങ്ങളില്‍ മനോഹരമായ പൂന്തോട്ടം നിര്‍മ്മിച്ച് പരിപാലിക്കാനാണ് പദ്ധതി.
വിദ്യാര്‍ത്ഥികള്‍ ശേഖരിച്ച പൂച്ചെടികള്‍ ഇവിടങ്ങളില്‍ നട്ടുപിടിപ്പിച്ചു.
പഞ്ചായത്ത് പ്രസിഡന്റ് ടി.ഷീബ ഉദ്ഘാടനം ചെയ്തു.
വാര്‍ഡ് മെമ്പര്‍ ദൃശ്യ ദിനേശന്‍ അധ്യക്ഷത വഹിച്ചു.
വൈസ് പ്രസിഡന്റ് പി.പി.ബാബുരാജന്‍, വാര്‍ഡ് മെമ്പര്‍ പി.പി.സജീവന്‍, പഞ്ചായത്ത് സെക്രട്ടറി എം.പി.ചന്ദ്രന്‍, എന്‍.എസ്.എസ്. പ്രോഗ്രാം ഓഫീസര്‍ സി.ഷീന, ടി.പ്രകാശന്‍ എന്നിവര്‍ പ്രസംഗിച്ചു.
എന്‍എസ്എസ് വളണ്ടിയര്‍മാരായ ഇ.വി.ദേവിക, തോമസ് ജോണ്‍, നയന നാരായണന്‍ എന്നിവര്‍ നേതൃത്വം നല്‍കി.