ടെക്ക്‌ല്ലേനിയം-99 പൂര്‍വ്വവിദ്യാര്‍ത്ഥി സംഗമം നടന്നു
കണ്ണൂര്‍: കണ്ണൂര്‍ തോട്ടട ടെക്‌നിക്കല്‍ ഹൈസ്‌കൂളിലെ 1999 ബാച്ച് പൂര്‍വ്വ വിദ്യാര്‍ത്ഥികളുടെ കൂട്ടായ്മയായ ടെക്ക്‌ല്ലേനിയം-99 പൂര്‍വ്വ വിദ്യാര്‍ത്ഥി സംഗമം തോട്ടട ടെക്‌നിക്കല്‍ സ്‌കൂള്‍ ഓഡിറ്റോറിയത്തില്‍ നടന്നു.
തോട്ടട ടി എച്ച് എസ് സൂപ്രണ്ട് എം.ദിലീപ് നിലവിളക്ക് കൊളുത്തി ഉദ്ഘാടനം ചെയ്തു.
ഗുരുവന്ദനം പരിപാടിയില്‍ 23 അധ്യാപകരെ ആദരിച്ചു. മണ്മറഞ്ഞുപോയ അധ്യാപകരെയും അകാലത്തില്‍ വിട്ടുപിരിഞ്ഞ സഹപാഠികളായിരുന്ന രണ്ട് സുഹൃത്തുക്കള്‍ക്കും ആദരാഞ്ജലികള്‍ അര്‍പ്പിച്ചു. ആര്‍.സുമേഷ് അനുസ്മരണ പ്രഭാഷണം നടത്തി.
ടെക്ക്‌ല്ലേനിയം 99 കൂട്ടായ്മയുടെ നേതൃത്വത്തില്‍ സ്‌കൂളിന് നല്‍കിയ അലമാരയും നൂറിലേറെ പുസ്തകങ്ങളും സൂപ്രണ്ട് എം.ദിലീപ് ഏറ്റുവാങ്ങി.
പി.പി.ലജീഷ് അധ്യക്ഷത വഹിച്ചു.
കെ.കെ.ഷാജി, സുരേശന്‍ വട്ടോളി എന്നിവര്‍ പ്രസംഗിച്ചു.
ജിന്‍ഷ പ്രജിത്ത് ഗുരുവന്ദനം കവിതാലാപനം നടത്തി.
എം.വി. പ്രിത്വീരാജ് സ്വാഗതവും പി.ഷിജു നന്ദിയും പറഞ്ഞു. കലാപരിപാടികളും അരങ്ങേറി.