BREAKING NEWS
ഏഴാംമൈല് കുട്ടിമാവ് റോഡിലെ മോഹനന് ഇടവലത്ത് (69)നിര്യാതനായി.
പ്രൊഫഷണല് ശൈലി തുണച്ചു, യു.ഡി.എഫ് കേന്ദ്രങ്ങളില് പോളിംഗ് തരംഗം
മാവിച്ചേരിയില് വര്ക്ക്ഷോപ്പ് നടത്തുന്ന സി.വി.ഇന്ദുചൂഡന്(52)നിര്യാതനായി.
കെ.എം.മാണി കാരുണ്യത്തിന്റെ ആള്രൂപം-ജോയി കൊന്നക്കല്
പോളിംഗ് ഏജന്റുമാര്ക്ക് ഭക്ഷണവുമായി പോയ യുഡിഎഫ് പ്രവര്ത്തകരെ ആക്രമിച്ചതായി പരാതി.
നൂറിലേറെ സീറ്റുമായി യുഡിഎഫ് ഇത്തവണ അധികാരത്തിലേക്ക് തിരിച്ചു വരുമെന്ന് പ്രതിപക്ഷ നേതാവ് വി ഡി സതീശന്.
2021ല് ലഭിച്ചതിനേക്കാള് കൂടുതല് സീറ്റ് ഇത്തവണ എല്ഡിഎഫിന് ലഭിക്കും. ജനങ്ങള്ക്കൊപ്പമാണ് ഞങ്ങള്. ഞങ്ങള്ക്കൊപ്പമാണ് ജനങ്ങള്-മുഖ്യമന്ത്രി
വോട്ടെടുപ്പ് തുടങ്ങി, പ്രമുഖര് രാവിലെ തന്നെ വോട്ടുചെയ്തു.
ഭരണമാറ്റമോ-തുടര്ഭരണമോ-ഇന്ന് കേരളം വിധിക്കും.
ഏപ്രില് 9 നിര്ണായകമാണ്-ജനാധിപത്യത്തിന്റെ പുനര്നിര്മ്മിതിക്ക്-ധാര്ഷ്ട്യത്തിന്റെ അവസാനത്തിന്
വാർത്തകളിലെ വാസ്തവങ്ങൾ മറയില്ലാതെ
പ്രചരണത്തിന് രണ്ടാഴ്ച മാത്രമാണ് ലഭിച്ചതെങ്കിലും കമ്മ്യൂണിസ്റ്റ് പ്രസ്ഥാനത്തിലെ ജില്ലയില് തന്നെയുള്ള തലമുതിര്ന്ന നേതാവിനെ സ്ഥാനാര്ത്ഥിയായി ലഭിച്ചതോടെ വിജയിക്കുവാനുള്ള അവസരം മുന്നില് കണ്ട യുഡിഎഫ് അതിവേഗം ഉണരുകയും താഴെത്തട്ട് മുതല് പ്രവര്ത്തനങ്ങള് ഏകോപിപ്പിക്കുന്നതിന് പ്രൊഫഷണല് സംഘാടക രീതി അവലംബിക്കുകയും ചെയ്തു. മണ്ഡലം ചുമതലയുള്ള കെപിസിസി ജനറല് സെക്രട്ടറി സോണി സെബാസ്റ്റ്യനും യുഡിഎഫ് മണ്ഡലം ചെയര്മാന് പി മുഹമ്മദ് ഇഖ്ബാലിന്റെയും കണ്വീനര് ടി ജനാര്ദ്ദനന്റെയും നേതൃത്വത്തിലുള്ള മണ്ഡലം തിരഞ്ഞെടുപ്പ് കമ്മിറ്റിയും പഞ്ചായത്ത് കമ്മിറ്റികളും നടത്തിയ മികച്ച ഏകോപനവും താഴെതട്ടിലേക്കുള്ള നിര്ലോഭമായ പിന്തുണയും പ്രശംസനീയമായിരുന്നു.
യുഡിഎഫിന്റെ സംസ്ഥാന നേതൃത്വമാണ് സ്ഥാനാര്ത്ഥിയെ തീരുമാനിച്ച് പ്രഖ്യാപിച്ചതെങ്കിലും സിപിഎമ്മില് നിന്ന് പെട്ടെന്ന് ഇറങ്ങി വന്ന ടി.കെ.ഗോവിന്ദന് മാസ്റ്ററെയും അദ്ദേഹത്തിന്റെ സ്വതന്ത്രചിഹ്നത്തെയും ഉള്ക്കൊള്ളുവാന് താഴെത്തട്ടിലുള്ള പല നേതാക്കന്മാരും പ്രവര്ത്തകന്മാരും പ്രത്യേകിച്ച് കോണ്ഗ്രസ് അണികള് തുടക്കത്തില് തയ്യാറായിരുന്നില്ല. ഇത് യുഡിഎഫ് നേതൃത്വത്തെ ആദ്യഘട്ടത്തില് വല്ലാതെ അലട്ടിയിരുന്നു. പ്രമുഖ കോണ്ഗ്രസ് നേതാവ് കൊയ്യം ജനാര്ദ്ദനന് റിബലായി മത്സരിക്കാന് മുന്നോട്ട് വരികയും ചെയ്തതോടെ മണ്ഡലത്തിലെ യുഡിഎഫ് നേതാക്കള് കൂടുതല് അങ്കലാപ്പിലായി. അപകടം മണത്ത യുഡിഎഫ് നേതൃത്വം അത് പരിഹരിക്കാന് കേരളത്തിലെ മറ്റൊരു മണ്ഡലത്തിലും ഇല്ലാത്ത ബൂത്ത് ലെവല് വോട്ട്സ് കോര്ഡിനേഷന് കമ്മിറ്റി എന്ന പേരില് പ്രത്യേക ടീമിന് രൂപം നല്കുകയും അതിന്റെ പൂര്ണ്ണ ചുമതല മണ്ഡലത്തിലെ യൂത്ത് ലീഗണികളില് ആഴത്തില് സ്വാധീനമുള്ള തളിപ്പറമ്പ നഗരസഭ ചെയര്മാന് പി കെ സുബൈറിനെ ഏല്പ്പിക്കുകയും ചെയ്തു. ഇതുവഴി മണ്ഡലത്തിലെ മുഴുവന് ബൂത്തുകളെയും ഏകോപിപ്പിച്ച് ഇടഞ്ഞു നില്ക്കുന്ന നേതാക്കന്മാരെയും പ്രവര്ത്തകന്മാരെയും മെരുക്കിയെടുത്ത് ഒരു വോട്ടും ചോരാത്ത വണ്ണം മുഴുവന് സംവിധാനങ്ങളും ചലിപ്പിക്കാന് U D F ന് കഴിഞ്ഞു.