ആകെ 26 കേസുകള്‍-അധ്യാപകന്‍ റിമാന്‍ഡില്‍.
തളിപ്പറമ്പ്: പെണ്‍കുട്ടികളെ ലൈംഗികമായി ഉപദ്രവിച്ച അധ്യാപകനെതിരെ ഇന്ന് 21 കേസുകള്‍കൂടി രജിസ്റ്റര്‍ ചെയ്തു.
ഇന്നലെ എടുത്ത 5 കേസുകളുള്‍പ്പെടെ ഇതോടെ 26 കേസുകളാണ് ഇയാള്‍ക്കെതിരെ എടുത്തിരിക്കുന്നത്.
28 വിദ്യാര്‍ത്ഥിനികളെ ലൈംഗികമായി ഉപദ്രവിച്ച തളിപ്പറമ്പ് പോലീസ് സ്‌റ്റേഷന്‍ പരിധിയിലെ ഒരു സ്‌കൂളിലെ അധ്യാപകനായ
മലപ്പുറം കൊണ്ടോട്ടി കൊരണ്ടിപറമ്പ ഒളവട്ടൂര്‍ ദാറുല്‍ അമാന്‍ ഹൗസില്‍ എം.ഫൈസല്‍ (52)നെ ഇന്നലെയാണ് പോക്‌സോ പ്രകാരം തളിപ്പറമ്പ് പ്രിന്‍സിപ്പല്‍ എസ്.ഐ. ദിനേശന്‍ കൊതേരി അറസ്റ്റ് ചെയ്തത്.
കൊറോണക്ക് ശേഷം 2021 നവംബര്‍ മാസം ക്ലാസ് തുടങ്ങി രണ്ടാഴ്ച്ച കഴിഞ്ഞതു മുതല്‍ ലൈംഗിക ഉദ്ദേശത്തോടെ ക്ലാസ് മുറിയില്‍ വെച്ച്
പല ദിവസങ്ങളില്‍ പല തവണ വിവിധ ക്ലാസുകളിലെ 28 പെണ്‍കുട്ടികളെ ഇയാള്‍ ലൈംഗികമായി പീഡിപ്പിക്കുകയായിരുന്നുവെന്നാണ് കേസ്..
പെണ്‍കുട്ടികള്‍ ചൈല്‍ഡ്‌ലൈനില്‍ നല്‍കിയ പരാതിപ്രകാരമാണ് കേസ്. കൂടുതല്‍ പരാതികള്‍ ഉണ്ടാകുമെന്നാണ് പോലീസ് പറയുന്നത്.