യുപിയില് നിരവധി സംരംഭങ്ങള്ക്ക് തുടക്കം-കെ.പി.മൊയ്തു ഉള്പ്പെട്ട സംഘം ലഖ്നൗവില്
ലക്നൗ:വിദേശത്തോടൊപ്പം ഇന്ത്യയിലും വിവിധ പദ്ധതികള് ആരംഭിക്കാനുള്ള തുടക്കമെന്ന നിലയില് പദ്ധതിയുടെ കോ-ഓര്ഡിനേറ്റര് പരിയാരം കോരന്പീടികയിലെ കെ.പി.മൊയ്തു,
ചിക്കിംങ്ങ് ഇന്റര് നാഷണലിന്റെ ചെയര്മാനും മാനേജിങ്ങ് ഡയറക്ടറുമായ എ.കെ.മന്സൂര് എന്നിവരുള്പ്പടെയുള്ള പ്രമുഖര് ഉത്തര്പ്രദേശിലെ ലക്നൗ, വാരണാസി, ബാംഗളൂരു, ചെന്നൈ, ഹൈദരാബാദ് തുടങ്ങിയ സ്ഥലങ്ങളില് സന്ദര്ശനം നടത്തി ഒട്ടേറെ ബിസിനസ് ശൃംഖലകള്ക്ക് തുടക്കമിട്ടു.
ഇതിന്റെ ഭാഗമായി ലക്നൗവിലെത്തിയ സംഘം അടുത്തിടെ ഉദ്ഘാടനം ചെയ്ത ലുലുമാള് അടക്കമുള്ള ഒട്ടേറെ സ്ഥലങ്ങള് സന്ദര്ശിച്ചു.
ചിക്കിംങ്ങ് ലുലുമാള് ഉദ്ഘാടന സമയത്ത് തന്നെ പ്രവര്ത്തനം ആരംഭിച്ചിട്ടുണ്ട്.
യു.എ.ഇയിലെ പ്രമുഖ മലയാളി വ്യവസായികളുടെയും സ്വദേശി പ്രമുഖരുടേയും സംയുക്തസംരംഭമായി അന്താരാഷ്ട്ര നിലവാരത്തിലുള്ള ഹോസ്പിറ്റല്, ഹോട്ടല്ടൂറിസം തുടങ്ങിയ ഒട്ടേറെ പദ്ധതികള് ആരംഭിക്കാനുള്ള നടപടികളും പൂര്ത്തിയായിട്ടുണ്ട്.
ദുബായിലും യു.കെയിലുമാണ് പ്രാഥമികഘട്ടത്തില് പദ്ധതികള് ആരംഭിക്കുന്നത്. ദുബായിലും മറ്റ് ചില വിദേശ രാജ്യങ്ങളിലും അടുത്തിടെ ആലോചനാ യോഗങ്ങള് നടന്നിരുന്നു.