നെല്ലിക്കാ മധുരത്തിന്റെ ഓര്‍മ്മയില്‍ അവര്‍ ഒത്തുചേര്‍ന്നു
കുറുമാത്തൂര്‍: കുറുമാത്തൂര്‍ സൗത്ത് യു.പി.സ്‌കൂളില്‍ 1989-1990 കാലയളവില്‍ ഏഴാം ക്ലാസില്‍ പഠിച്ച വിദ്യാര്‍ത്ഥികള്‍ നെല്ലിക്ക എന്ന പേരില്‍ പൂര്‍വ്വ വിദ്യാര്‍ത്ഥി സംഗമം സംഘടിപ്പിച്ചു.
കുറുമാത്തൂര്‍ സൗത്ത് സ്‌കൂളിന്റെ 114 വര്‍ഷത്തെ ചരിത്രത്തില്‍ ആദ്യമായാണ് പൂര്‍വ്വ വിദ്യാര്‍ത്ഥികള്‍ അധ്യാപകരോടൊപ്പം സ്‌കൂളില്‍ ഒത്തുചേര്‍ന്നത്.
സംഗമം മുന്‍ മുഖ്യാധ്യാപകന്‍ ടി.ബാലകൃഷ്ണന്‍ ഉദ്ഘാടനം ചെയ്തു. രാജേഷ് കുറുമാത്തൂര്‍ അധ്യക്ഷത വഹിച്ചു.
അഡ്വ.സജീവ് ജോസഫ് എം.എല്‍.എ ഉള്‍പ്പെടെയുള്ള പ്രമുഖര്‍ ആശംസകള്‍ നേര്‍ന്നു.
പരിപാടിയില്‍ അധ്യാപകരും പൂര്‍വ്വ വിദ്യാര്‍ത്ഥികളും തങ്ങളുടെ അനുഭവങ്ങളും ഓര്‍മ്മകളും പങ്കുവെച്ചു.
കലാസാഹിത്യ മേഖലകളില്‍ മികവ് തെളിയിച്ചവരെ ചടങ്ങില്‍ ആദരിച്ചു.
പി.പി.അഷറഫ്, കെ.സുലോചന, എ.അബ്ദുള്ള ഹാജി, ടി.പി.അബ്ദുള്‍റഹ്മാന്‍, കെ.പി.മിനി എന്നിവര്‍ പ്രസംഗിച്ചു.