തളിപ്പറമ്പില്‍ എന്‍.ജി.ഒ ക്വാര്‍ട്ടേഴ്‌സുകള്‍ വേണം-എന്‍ ജി ഒ യൂനിയന്‍ ഏരിയാ സമ്മേളനം
തളിപ്പറമ്പ്: തളിപ്പറമ്പില്‍ എന്‍.ജി.ഒ ക്വാര്‍ട്ടേഴ്‌സ് നിര്‍മ്മിക്കണമെന്ന് കേരള എന്‍ ജി ഒ യൂനിയന്‍ തളിപ്പറമ്പ് ഏരിയാ സമ്മേളനം ആവശ്യപ്പെട്ടു.
തളിപ്പറമ്പ് ഡ്രീംപാലസ് ഓഡിറ്റോറിയത്തില്‍ നടന്ന സമ്മേളനം യൂനിയന്‍ സംസ്ഥാന കമ്മറ്റി അംഗം എം സുരേഷ് ബാബു ഉദ്ഘാടനം ചെയ്തു.
ഏരിയാ പ്രസിഡന്റ് ശ്യാമള കൂവോടന്‍ പതാക ഉയര്‍ത്തി സെക്രട്ടറി ടി. പ്രകാശന്‍ റിപ്പോര്‍ട്ട് അവതരിപ്പിച്ചു.
ട്രഷറര്‍ സി .ഹാരിസ് വരവ് ചെലവ് കണക്ക് അവതരിപ്പിച്ചു. ജില്ലാ ട്രഷറര്‍ കെ.എം.സദാനന്ദന്‍, ജില്ലാ ജോ. സെക്രട്ടറി എന്‍.സുരേന്ദ്രന്‍, ജില്ലാ സെക്രട്ടറിയറ്റംഗം പി.അശോകന്‍, ടി.സന്തോഷ് കുമാര്‍ തുടങ്ങിയവര്‍ പ്രസംഗിച്ചു.
ഭാരവാഹികളായി സി.ഹാരിസ് (പ്രസിഡന്റ്), കെ.അശോകന്‍, ബി.എസ്.ശുഭ (വൈസ് പ്രസിഡന്റുമാര്‍) ടി.പ്രകാശന്‍ (സെക്രട്ടറി), കെ.അജിത് കുമാര്‍ പി.രമേശന്‍ (ജോ: സെക്രട്ടറിമാര്‍) കെ.കെ.രാജീവന്‍ (ട്രഷറര്‍) എന്നിവരെ തെരെഞ്ഞെടുത്തു.