ദേവസ്വം സ്ഥലത്തെ മരത്തിന് ദുരൂഹസാഹചര്യത്തില്‍ തീപിടിച്ചു.
തളിപ്പറമ്പ്: നൂറ്റാണ്ടുകള്‍ പഴക്കമുള്ള ബദാംമരത്തിന് ദുരൂഹസാഹചര്യത്തില്‍ തീപിടിച്ചു.
ടി.ടി.കെ.ദേവസ്വത്തിന്റെ ഉടമസ്ഥതയിലുള്ള തൃച്ചംബരത്തെ വിദ്യാലയം കെട്ടിടവളപ്പിലെ ബദാംമരത്തിനാണ് തീപിടിച്ചത്.
ഇന്നലെ രാത്രി 11.30 നായിരുന്നു സംഭവം. വിവരമറിഞ്ഞ് തളിപ്പറമ്പ് അഗ്നിശമനസേനയിലെ ഗ്രേഡ് അസി.സ്റ്റേഷന്‍ ഓഫീസര്‍ കെ.വി.സഹദേവന്റെ നേതൃത്വത്തിലുള്ള സംഘം എത്തിയാണ് തീയണച്ചത്.
വളരെ പഴക്കമുള്ള മരമായതിനാല്‍ മുകളിലെ പൊത്തുകളില്‍ നിന്ന് തീകെടാതെ ജ്വലിച്ചുകൊണ്ടിരുന്നതിനാല്‍ മരത്തില്‍കയറി പൊത്തുകളില്‍ വെള്ളമൊഴിച്ചാണ് തീയണച്ചത്.
അരമണിക്കൂറോളം സമയമെടുത്താണ് സേനാംഗങ്ങള്‍ തീ പൂര്‍ണമായും അണച്ചത്.
മരത്തില്‍ തീപിടിച്ചത് ദുരൂഹമാണെന്ന് നാട്ടുകാര്‍ പറയുന്നു.