ബൈക്കപകടത്തില്‍ പരിക്കേറ്റ കാക്കാഞ്ചാലിലെ മുഹമ്മദ് ഷെഹ്‌സാദ്(32) മരിച്ചു.
തളിപ്പറമ്പ്: കാറും മോട്ടോര്‍സൈക്കിളും കൂട്ടിയിടിച്ച് പരിക്കേറ്റ് ചികില്‍സയിലായിരുന്ന യുവാവ് മരിച്ചു.
ഏഴാംമൈല്‍ കാക്കാഞ്ചാലിലെ ബൈത്തുല്‍ ബുഷ്‌റ ഹൗസില്‍ മുഹമ്മദ് ഷെഹസാദാണ്(32)മരണപ്പെട്ടത്
കഴിഞ്ഞ നവംബര്‍ 19 ന് ഞായറാഴ്ച്ച രാത്രി 10.30നായിരുന്നു അപകടം.
ഷെഹ്‌സാദ് ഓടിച്ച കെ.എല്‍.59 എക്‌സ്-7928 നമ്പര്‍ ബൈക്ക് കെ.എല്‍-59-പി-4040 കാറുമായി കൂട്ടിയിടിക്കുകയായിരുന്നു.
അതീവ ഗുരുതരാവസ്ഥയിലായ ഷെഹ്‌സാദിനെ കോഴിക്കോട് മിംസ് ആശുപത്രിയില്‍ ചികില്‍സയിലായിരുന്നു.
ഇന്ന് പുലര്‍ച്ചെയാണ് മരണപ്പെട്ടത്. കബറടക്കം വൈകുന്നേരം നാലിന്.
മുഹമ്മദ് ഇസ്മായില്‍-കെ.എന്‍.ബുഷ്‌റ ദമ്പതികളുടെ മകനാണ്. സഹോദരങ്ങള്‍: ഷാസിയ, ഡോ.ഷംഷാദ്, ഷാദിയ, ഷഹദ്.