പളുങ്ക്ബസാറില്‍ വീണ്ടും മോഷ്ടാക്കള്‍-
പരിയാരം: ചിതപ്പിലെ പൊയിലില്‍ വീണ്ടും മോഷ്ടാക്കള്‍, വീട്ടുകാര്‍ ഉണര്‍ന്നതോടെ സംഘം ഓടിരക്ഷപ്പെട്ടു.
ഇന്ന് പുലര്‍ച്ചെ രണ്ടോടെ പളുങ്ക്ബസാറിലെ ഷഫീക്കിന്റെ വീട്ടിലാണ് മോഷ്ടാക്കള്‍ എത്തിയത്.
ജനലിന് സമീപം നിഴല്‍ കണ്ട് ഷഫീക്കിന്റെ സഹോദരി ലൈറ്റിട്ടപ്പോള്‍ മോഷ്ടാക്കള്‍ ഓടിരക്ഷപ്പെടുകയായിരുന്നു.
ഉടന്‍തന്നെ വീട്ടുകാര്‍ ഉണര്‍ന്ന് നാട്ടുകാരെ വിവരമറിയിച്ച് പ്രദേശത്ത് തെരച്ചില്‍ നടത്തിയെങ്കിലും മോഷ്ടാക്കളെ കണ്ടെത്താനായില്ല.
സ്പതംബര്‍ 29 ന് മോഷണം നടന്ന മാടാളന്‍ അബ്ദുള്ളയുടെ വീടിന്റെ 100 മീറ്റര്‍ മാറിയാണ് ഇന്നലെ മോഷ്ടാക്കള്‍ എത്തിയ വീട്.
ഇന്ന് പുലരുംവരെ നാട്ടുകാര്‍ മോഷ്ടാവിനെ കണ്ടെത്താനായി തെരച്ചില്‍ നടത്തിയിരുന്നു.
മോഷ്ടാക്കളെ പിടികൂടാനാവാത്ത പോലീസിന്റെ അനാസ്ഥക്കെതിരെ ഇന്ന് രാവിലെ യു.ഡി.എഫിന്റെ നേതൃത്വത്തില്‍ പോലീസ് സ്‌റ്റേഷനിലേക്ക് ജനകീയ പ്രതിഷേധ മാര്‍ച്ച് നടക്കുന്നതിനിടെയാണ് സംഭവം.