അതിര്‍ത്തി തര്‍ക്കം: മോഹനന് അടി ഷൈനിനെതിരെ കേസ്.
തളിപ്പറമ്പ്: അതിര്‍ത്തിതര്‍ക്കത്തില്‍ മധ്യവയസ്‌ക്കന് മര്‍ദ്ദനമേറ്റു.
പറശിനിക്കടവ് കൈലാസ് ലോഡ്ജിന് സമീപത്തെ പുതിയ പുരയില്‍ വീട്ടില്‍ മോഹനനാണ്(68)പരിക്കേറ്റത്.
സംഭവത്തില്‍ അയല്‍വാസി ഷൈനിന്റെ പേരില്‍ തളിപ്പറമ്പ് പോലീസ് കേസെടുത്തു.
20 ന് രാത്രി 8.30 നായിരുന്നു സംഭവം.
ഇരുവരും തമ്മിലുള്ള അതിര്‍ത്തി തര്‍ക്കത്തെ തുടര്‍ന്ന് കഴിഞ്ഞ ദിവസം താലൂക്ക് സര്‍വേയര്‍ സ്ഥലം അളന്ന് മാര്‍ക്ക് ചെയ്ത് കല്ലുകള്‍ സ്ഥാപിച്ചിരുന്നു.
ഈ കല്ലുകള്‍ രാത്രിയില്‍ നീക്കം ചെയ്യാന്‍ ശ്രമിച്ചത് തടഞ്ഞപ്പോഴാണ് മോഹനന്റെ ഭാര്യയേയും മകന്റെ ഭാര്യയേയും തടഞ്ഞുവെച്ച് ഷൈന്‍ മോഹനനെ മര്‍ദ്ദിച്ചതെന്നാണ് പരാതി.