പാര്‍ക്കിംഗ് തര്‍ക്കം, വിദ്യാര്‍ത്ഥികള്‍ക്ക് മര്‍ദ്ദനമേറ്റു.
തളിപ്പറമ്പ്: യുവാക്കള്‍ക്ക് മര്‍ദ്ദനമേറ്റ സംഭവത്തില്‍ രണ്ടുപേര്‍ക്കെതിരെ പോലീസ് കേസെടുത്തു.
തളിപ്പറമ്പ് സര്‍സയ്യിദ് ഇന്‍സ്റ്റിറ്റ്യൂട്ടിന് സമീപം പാര്‍ക്ക് ചെയ്ത സുഹൃത്തിന്റെ ബൈക്ക്എടുക്കാനെത്തിയ ബക്കളം പുന്നക്കുളങ്ങരയിലെ മുസ്തഫ മഹലില്‍ മുഹമ്മദ് നൈഫ്(21), സുഹൃത്തുക്കളായ ജസീം, ഷാനി, അജ്‌നാസ് എന്നിവര്‍ക്കാണ് മര്‍ദ്ദനമേറ്റത്.
ഇന്നലൈ വൈകുന്നേരം 6.45 നായിരുന്നു സംഭവം. കരിമ്പം സ്വദേശികളായ മൊയ്തീന്‍, സുല്‍ഫി എന്നിവര്‍ക്കെതിരെയാണ് കേസ്.
സര്‍സയ്യിദ് ഇന്‍സ്റ്റിറ്റ്യൂട്ട് വിദ്യാര്‍ത്ഥികളുടെ ഇരുചക്രവാഹനങ്ങള്‍ റോഡരികില്‍ പാര്‍ക്ക് ചെയ്യുന്നതിനെതിരെ നാട്ടുകാര്‍ നേരത്തെ പോലീസില്‍ പരാതി നല്‍കിയിരുന്നു.
ഈ ഭാഗത്ത് പാര്‍ക്കിങ്ങ് പാടില്ലെന്ന്‌പോലീസും വിലക്കിയിരുന്നു.
എന്നാല്‍ ഇന്‍സ്റ്റിറ്റ്യൂട്ട് അധികൃതര്‍ കാമ്പസിനകത്തേക്ക് വാഹനം കടത്തുന്നതിന് വിലക്കേര്‍പ്പെടുത്തിയതോടെയാണ് റോഡരികിലെ പാര്‍ക്കിംഗ് തുടര്‍ന്നത്.
പാര്‍ക്കിംഗ് ചോദ്യം ചെയ്ത നാട്ടുകാരില്‍ ചിലരാണ് വിദ്യാര്‍ത്ഥികളെ മര്‍ദ്ദിച്ചതെന്നാണ് പരാതി.