നിങ്ങള്‍ കേട്ടുകൊണ്ടിരിക്കുന്നത് കണ്ണൂര്‍ ഗവ.ആയുര്‍വേദകോളേജിന്റെ ആയുര്‍വാണി–പ്രക്ഷേപണനിലയം തുടങ്ങി.
പരിയാരം: ഗവ. ആയുര്‍വേദ കോളേജില്‍ ആരംഭിച്ച ആയുര്‍വാണി എന്ന സംപ്രേഷണനിലയം ആരോഗ്യ ബോധവല്‍ക്കരണ രംഗത്ത് പുതിയ അധ്യായം തുറക്കുമെന്ന് എം.വിജിന്‍എം.എല്‍.എ.
കര്‍ക്കിടകം ഒന്നായ ഇന്ന് പദ്ധതിയുടെ ഉദ്ഘാടനം നിര്‍വ്വഹിച്ച് സംസാരിക്കുകയായിരുന്നു അദ്ദേഹം.
ഈ മാതൃക മറ്റെല്ലാ ആരോഗ്യ സ്ഥാപനങ്ങളും ഏറ്റെടുക്കേണ്ടതാണെന്ന് അദ്ദേഹം അഭിപ്രായപ്പെട്ടു.
വാര്‍ഡുകളില്‍ സജ്ജീകരിച്ചിട്ടുള്ള ലൗഡ് സ്പീക്കര്‍ വഴി ആരോഗ്യസംബന്ധമായ ലഘു പ്രഭാഷണങ്ങള്‍, ചോദ്യോത്തരങ്ങള്‍,
ചികിത്സയുമായി ബന്ധപ്പെട്ട വിശദാംശങ്ങള്‍, പൊതു നിര്‍ദ്ദേശങ്ങള്‍, എന്നിവയും മാനസികോല്ലാസം പകരുന്ന സംഗീതവും ആയുര്‍വാണിയില്‍ പ്രക്ഷേപണം ചെയ്യും.
ചടങ്ങില്‍ ആശുപത്രി സൂപ്രണ്ട് ഡോ.എസ്.ഗോപകുമാര്‍, ഡോ.പി.എം.മധു എന്നിവര്‍ സംസാരിച്ചു.