ബെഞ്ച്പ്രസ്സ് ചാമ്പ്യന്‍ ടികെ.മുര്‍ഷിദിനെ ആദരിച്ചു.
മാട്ടൂല്‍: ബാംഗ്ലൂരില്‍ നടന്ന ദേശീയ ബെഞ്ച് പ്രെസ്സ് ചാമ്പ്യന്‍ഷിപ്പില്‍ ഭിന്നശേഷി വിഭാഗത്തില്‍ 59 കിലോ കാറ്റഗറിയില്‍ കേരളത്തിന് വേണ്ടി രണ്ടാം സ്ഥാനം നേടി നാടിന്റെ അഭിമാനമായി മാറിയ ടികെ.മുര്‍ഷിദ് മടക്കരയെ എസ് ടി യു മോട്ടോര്‍ തൊഴിലാളി യൂണിയന്‍ മാട്ടൂല്‍ പഞ്ചായത്ത് കമ്മിറ്റി ആദരിച്ചു.
മാട്ടൂല്‍ സൗത്ത് സിഎച്ച് സൗധത്തില്‍ സംഘടിപ്പിച്ച അനുമോദന ചടങ്ങ് മാട്ടൂല്‍ പഞ്ചായത്ത് മുസ്ലിം ലീഗ് പ്രസിഡണ്ട് നസീര്‍.ബി.മാട്ടൂല്‍ ഉദ്ഘാടനം ചെയ്തു.
എസ്ടിയു മോട്ടോര്‍ തൊഴിലാളി യൂണിയന്‍ കണ്ണൂര്‍ ജില്ലാ വൈസ് പ്രസിഡന്റ് സജീര്‍ മടക്കര അധ്യക്ഷത വഹിച്ചു. അനുമോദനങ്ങള്‍ നന്മയുള്ള മനസ്സുകളിലെ വറ്റാത്ത പ്രചോദനത്തിന്റെ നീരുറവകളാണെന്നും, അഭിനന്ദിക്കുന്നവരും അഭിനന്ദിക്കപ്പെടുന്നവരും ഒരേ നിലയില്‍ ആദരിപ്പെടുന്ന പ്രക്രിയയാണ് അനുമോദന ചടങ്ങുകളെന്നും മാട്ടൂല്‍ പഞ്ചായത്ത് മുസ്ലിം ലീഗ് പ്രസിഡന്റ് നസീര്‍ ബി.മാട്ടൂല്‍ പറഞ്ഞു.
ഇന്റര്‍നാഷണല്‍ ബ്രദര്‍ ഹുഡ് മജീഷ്യനും മുര്‍ഷിദിന്റെ പിതാവുമായ കെ.മുസ്തഫ അവതരിപ്പിച്ച മാജിക്ക് ഇനങ്ങള്‍ സദസ്സിന് കൗതുമായി.
മുസ്ലിം ലീഗ് മാട്ടൂല്‍ പഞ്ചായത്ത് സെക്രട്ടറി കെ.പി.അബ്ദുല്‍ നാസര്‍, എസ്.ടി.യു മോട്ടോര്‍ തൊഴിലാളി യൂണിയന്‍ മാട്ടൂല്‍ പഞ്ചായത്ത് ജനറല്‍ സെക്രട്ടറി ഇ.അബ്ദുള്‍ റാസിഖ് , ട്രഷറര്‍ എംകെ.ജലാലുദ്ദീന്‍, മുസ്ലിം ലീഗ് പത്താം വാര്‍ഡ് ജന.സെക്രട്ടറി സി.അഷ്‌റഫ്, വൈസ് പ്രസിഡന്റ് ഇ.വി.അലി ഹാജി, ട്രഷറര്‍ സിഎച്ച്.ഷഫീഖ്, മുസ്ലിം യൂത്ത് ലീഗ് മാട്ടൂല്‍ സൗത്ത് ശാഖ ജനറല്‍ സെക്രട്ടറി ഇ.കെ.വി.ആബിദ് എന്നിവര്‍ പ്രസംഗിച്ചു.
എസ്ടിയു മോട്ടോര്‍ തൊഴിലാളി യൂണിയന്‍ മാട്ടൂല്‍ പഞ്ചായത്ത് കമ്മിറ്റി വക പ്രത്യേക പ്രശംസ ഫലകം ചടങ്ങില്‍ മാട്ടൂല്‍ പഞ്ചായത്ത് മുസ്ലിം ലീഗ് പ്രസിഡന്റ് നസീര്‍ ബി.മാട്ടൂല്‍ ടി.കെ.മുര്‍ഷിദിന് സമ്മാനിച്ചു.