കാര്‍ ബൈക്കിനെ ഇടിച്ചു തെറിപ്പിച്ചു-രണ്ടു പേര്‍ക്ക് പരിക്ക്
തളിപ്പറമ്പ്: കാറും ബൈക്കും കൂട്ടിയിടിച്ച് രണ്ടു പേര്‍ക്ക് പരിക്കേറ്റു.
ബൈക്ക് യാത്രികരായ കണ്ടക്കൈയിലെ ഷമ്മാസ്(22), സഹോദരി ഷര്‍മിള(19), എന്നിവര്‍ക്കാണ് പരിക്കേറ്റത്.
ഇവരെ തളിപ്പറമ്പ് സഹകരണ ആശുപത്രിയില്‍ പ്രവേശിപ്പിച്ചു.
ഇന്ന് വൈകുന്നേരം അഞ്ചോടെ തളിപ്പറമ്പ്-ഇരിട്ടി സംസ്ഥാനപാതയില്‍ ലിയോ ലാബിന് സമീപത്തായിരുന്നു അപകടം.
അമിത വേഗതയിലെത്തിയ കെ.എല്‍ 13 Z 1300 നമ്പര്‍ കാര്‍ പെട്ടെന്ന് യൂടേണ്‍ എടുക്കാന്‍ ശ്രമിച്ചപ്പോഴാണ് അപകടമെന്ന് പോലീസ് പറഞ്ഞു.
കെ.എല്‍ 60 ക്യു 7881 ബൈക്കിനെ കാര്‍ ഇടിച്ച് തെറിപ്പിക്കുകയായിരുന്നു.
തളിപ്പറമ്പ് പോലീസ് സ്ഥലത്തെത്തി മേല്‍നടപടികള്‍ സ്വീകരിച്ചു.