സി.പി.ഐ കണ്ണൂര് ജില്ലാ സമ്മേളനം: ഇന്ത്യന് ഭരണഘടനയുടെ 75 വര്ഷങ്ങള്-സെമിനാര് നാളെ ജൂണ്-19 ന്
കണ്ണൂര്: സി പി ഐ കണ്ണൂര് ജില്ലാ സമ്മേളനത്തിന്റെ ഭാഗമായി ഇന്ത്യന് ഭരണഘടനയുടെ 75 വര്ഷങ്ങള് എന്ന വിഷയത്തില് സെമിനാര് സംഘടിപ്പിക്കും.
നാളെ ജൂണ് 19-ന് വൈകുന്നേരം 3.30-ന് നവനീതം ഓഡിറ്റോറിയത്തില് നടക്കുന്ന സെമിനാര് റിട്ട. ജസ്റ്റിസ് ജെ. ചെലമേശ്വര് ഉദ്ഘാടനം ചെയ്യും.
സി.പി.ഐ ദേശീയ എക്സിക്യൂട്ടീവംഗം അഡ്വ.പി സന്തോഷ് കുമാര് എം പി, സി പി എം സംസ്ഥാന കമ്മിറ്റിയംഗം ഡോ വി ശിവദാസന് എം പി, സി.പി ഐ ജില്ല സെക്രട്ടറി സി.പി. സന്തോഷ് കുമാര്എന്നിവര് പങ്കെടുക്കും.
ലോകത്ത് തന്നെ ഏറ്റവും വിപുലമായ ഭരണഘടനകളിലൊന്നാണ് ഇന്ത്യന് ഭരണഘടന. നിയമപണ്ഡിതനായ ഡോ ബി ആര് അംബേദ്കര്
ഇന്ത്യന് ഭരണഘടന എന്ന ദൗത്യം പൂര്ത്തിയാക്കാനെടുത്തത് രണ്ടു വര്ഷവും പതിനൊന്നുമാസവും പതിനെട്ട് ദിവസവുമാണ്. വിവിധ രാജ്യങ്ങളുടെ ഭരണഘടനയില്നിന്ന് മികച്ചവ തെരഞ്ഞെടുത്താണ് ഇന്ത്യന് ഭരണഘടനയ്ക്ക് രൂപം നല്കിയത്. 1950 ജനുവരി 26 ന് ഭരണഘടന പ്രാബല്യത്തില് വരികയും ചെയ്തു. നിലവില് 75 വര്ഷം പിന്നിടുന്ന ഇന്ത്യന് ഭരണഘടന കടുത്ത ഭീഷണി നേരിടുകയാണെന്ന കാര്യത്തില് തര്ക്കമില്ല .ഭരണഘടന തന്നെ അട്ടിമറിക്കാന് ഹിന്ദുത്വവാദികള് കൊണ്ടുപിടിച്ച ശ്രമം നടത്തുന്നു. ബിജെപി അധികാരത്തില് വന്നതു മുതല് ഭരണഘടനയ്ക്കെതിരെ നീക്കം ആരംഭിച്ചു. ലോക്സഭാ തിരഞ്ഞെടുപ്പില് ബി.ജെ.പി.ക്ക് 400 സീറ്റ് ലഭിച്ചാല് ഭരണഘടനയില് മാറ്റംവരുത്തുമെന്ന് കഴിഞ്ഞ പാര്ലമെന്റ് തിരഞ്ഞെടുപ്പില് ബിജെപി നേതാക്കള് പരസ്യമായി പ്രഖ്യാപിക്കുന്ന സാഹചര്യമുണ്ടായി. പക്ഷെ അതെല്ലാം ജനങ്ങള് തള്ളി കളയുകയാണുണ്ടായത്. ഒരു ജനാധിപത്യ രാജ്യത്തില് നിന്നും തീവ്രദേശീയത പ്രചരിപ്പിക്കുന്ന ഫാസിസ്റ്റ് ഭരണകൂടത്തിന്റെ നീക്കങ്ങള്ക്ക് നമ്മള് ഇന്ന് സാക്ഷ്യം വഹിച്ചു കൊണ്ടിരിക്കുകയാണ്. ഭരണകൂടത്തിന്റെ ഇച്ഛയ്ക്കനുസരിച്ച് അവരുടെ അജണ്ടകള് നടപ്പിലാക്കാന് വേണ്ടി മാത്രം നടപ്പിലാക്കുന്ന ഭേദഗതികള് ആണ് ഇന്ന് നാം നേരിടുന്ന ഏറ്റവും വലിയ രാഷ്ട്രീയ വെല്ലുവിളി. ഭരണഘടന ശക്തിപ്പടുത്താന് നിരവധി തവണ ഭേദഗതികള് കൊണ്ടു വന്നിട്ടുണ്ടെങ്കിലും ഭരണഘടനയുടെ അന്തസത്ത തന്നെ ഇല്ലാതാക്കാനുള്ള നീക്കമാണ് ബി ജെ പി സര്ക്കാരിന്റെ ഭാഗത്ത് നിന്നും ഉണ്ടായി കൊണ്ടിരിക്കുന്നത്.ഓരോ ഇന്ത്യക്കാരന്റെയും ജീവിതത്തിന് പൗരന് എന്ന നിലയില്, ആവശ്യമായ ദിശാബോധം നല്കുന്ന ആധികാരിക മാര്ഗരേഖയാണ് ഭരണഘടന. ഭരണഘടന സംരക്ഷണത്തിന് ഇന്ന് ഏറെ പ്രാധാന്യമുണ്ട്. ഭരണഘടന മുന്നോട്ട് വെയ്ക്കുന്ന മതനിരപേക്ഷത, ജനാധിപത്യം, ഫെഡറലിസം, സാമൂഹ്യനീതി, സാമ്പത്തിക പരമാധികാരം എന്നിവ സംരക്ഷിക്കാനുളള ശക്തമായ പ്രവര്ത്തനങ്ങള് ഉയര്ന്നു വരണം.
ഈ സാഹചര്യത്തില് ജൂലൈ 4, 5, 6 തിയ്യതികളിലായി കണ്ണൂരില് നടക്കുന്ന സമ്മേളനത്തിന്റെ അനുബന്ധ പരിപാടിയാണ് നാളെ നടക്കുന്നത്.
വാര്ത്താ സമ്മേളനത്തില് സി പി ഐ ജില്ലാ സെക്രട്ടറി സി പി സന്തോഷ് കുമാര്, സംസ്ഥാന കൗണ്സില് അംഗം സി.പി.ഷൈജന്, സ്വാഗത സംഘം ജനറല് കണ്വീനര് വെള്ളോറ രാജന്, കണ്ണൂര് മണ്ഡലം സെക്രട്ടറി .അഡ്വ. പി അജയകുമാര്, പബ്ലിസിറ്റി കമ്മറ്റി കണ്വീനര് കെ.വി.സാഗര് എന്നിവര് പങ്കെടുത്തു.