ലഹരിയുടെ മറവില് അക്രമം പ്രതി അറസ്റ്റില്
മയ്യില്: കഴിഞ്ഞ ദിവസം രാത്രി മദ്യപിച്ച് അയല്വാസിയുടെ വിട്ടില് കയറി അതിക്രമം കാട്ടുകയും വീട്ടമ്മയെയും ഭര്ത്താവിനെയും അക്രമിക്കുകയും ചെയ്ത കേസിലെ പ്രതിയെ മയ്യില് പോലീസ് അറസ്റ്റ് ചെയ്തു.
കയരളം എട്ടാംമൈലിലെ ബത്തേരിമ്മാല് വീട്ടില് ബി.പ്രദീപനാണ്(44) അറസ്റ്റിലായത്. 28-ന് തിയ്യതി രാത്രിയാണ് എട്ടാംമൈല് എന്ന സ്ഥലത്ത് താമസിക്കുന്ന പ്രതി പ്രദീപന് അക്രമം നടത്തിയത്.
ഇന്ന് വൈകുന്നേരം മയ്യില് ടൗണ് പരിസരത്ത് വെച്ച് മയ്യില് ഇന്സ്പെക്ടര് ടി.പി.സുമേഷ്, എസ്.ഐ മനോജ്, അഡീ:എസ് ഐ അനീഷ്, സീനിയര് സിവില് പോലിസ് ഓഫീസര് ആനന്ദ് എന്നിവരുടെ നേതൃത്വത്തിലുള്ള പോലീസ് സംഘമാണ് പ്രതിയെ അറസ്റ്റ് ചെയ്തത്.
സംഭവവുമായി ബന്ധപ്പെട്ട് പ്രതിക്കെതിരെ രണ്ട് കേസുകളാണ് മയ്യില് പോലിസ് രജിസ്റ്റര് ചെയ്തത്. അറസ്റ്റിലായ പ്രതിയെ ഇന്ന് തന്നെ കോടതി മുമ്പാകെ ഹാജരാക്കും.