തെങ്ങില്‍ നിന്ന് വീണ് ചെത്ത് തൊഴിലാളി മരണപ്പെട്ടു.
പരിയാരം: തേങ്ങ പറക്കുന്നതിനിടെ തെങ്ങില്‍ നിന്ന് വീണ് ചെത്ത് തൊഴിലാളി മരണപ്പെട്ടു.
കുപ്പം പടവില്‍ സ്വദേശിയും ഇപ്പോള്‍ പരിയാരം ഏമ്പേറ്റ് കാപ്പുങ്കല്‍ റോഡില്‍ താമസക്കാരനുമായ കെ.സതീശന്‍ (55) ആണ് മരണപ്പെട്ടത്.
ചുടല കള്ള് ഷാപ്പിലെ ചെത്ത് തൊഴിലാളിയായ സതീശന്‍ കള്ള് ചെത്തിന് ശേഷം തേങ്ങ പറിക്കുന്ന ജോലി ചെയ്ത് വരുന്നുണ്ട്.
മാട്ടൂലില്‍ ഒരു വീട്ടിലെ പറമ്പില്‍ നിന്നും തേങ്ങ പറിക്കുന്നതിനിടെ താഴെ വീഴുകയും കിണറിന്റെ ആള്‍മറയില്‍ തല ഇടിക്കുകയുമായിരുന്നു.
ഉടന്‍ പരിയാരത്തെ കണ്ണൂര്‍ ഗവ.മെഡിക്കല്‍ കോളേജില്‍ എത്തിച്ചെങ്കിലും മരണപ്പെട്ടു.
പരേതരായ പി.സി.കണ്ണന്റെയും ശാരദയുടെയും മകനാണ്.
ഭാര്യ:സജിത (മുക്കുന്ന്).
മക്കള്‍: ആദര്‍ശ(ആയുര്‍വേദ ഡോക്ടര്‍ പാലക്കാട് ) അഭിനന്ദ്.
സഹോദരങ്ങള്‍: സത്യന്‍, ഗീത, പ്രമീള, സുനന്ദ, രഞ്ചിത്ത്.
മൃതദേഹം കണ്ണൂര്‍ ജില്ലാ ആശുപത്രി മോര്‍ച്ചറിയിയില്‍. ഇന്ന് പോസ്റ്റ് മോര്‍ട്ടത്തിന് ശേഷം സംസ്‌ക്കരിക്കും.