അതിഥി തൊഴിലാളികളുടെ പണം വച്ചുള്ള ശീട്ടുകളി പിടിച്ചു

തളിപ്പറമ്പ്: കുറുമാത്തൂർ കൂനത്ത് നിന്നും, ചൊർക്കളയിൽ നിന്നും പണം വച്ചുള്ള ശീട്ടുകളി പിടിച്ചു.

ആസാം സ്വദേശികളായ അതിഥി തൊഴിലാളികളെയാണ് പോലീസ് പിടികൂടിയത്.

ഇവരിൽ നിന്ന് അമ്പതിനായിരം രൂപയും പിടിച്ചെടുത്തു.

തളിപ്പറമ്പ് പോലീസ് സ്റ്റേഷൻ ഐപി കെ.പി ഷൈനിൻ്റെ നേതൃത്വത്തിലുള്ള പോലീസ് സംഘമാണ് ശീട്ടുകളി പിടിച്ചത്.

ആറ് ശീട്ടുകളിക്കാരും പോലീസ് പിടിയിലായി.

അടുത്ത കാലങ്ങളായി അതിഥി തൊഴിലാളികൾക്കിടയിൽ പണം വച്ചുള്ള ശീട്ടുകളി വ്യാപകമാകുയാണ്.

ഇവർ താമസിക്കുന്ന ഏതെങ്കിലും ഒരു റൂം കേന്ദ്രീകരിച്ചാണ് ശീട്ടുകളി സംഘടിപ്പിക്കുന്നത്.

മൊബൈൽ ഫോൺ വഴി മറ്റുള്ളവരെ വിവരമറിയിച്ച് ഇവിടെ എത്തിക്കുകയാണ്.

കഴിഞ്ഞ രണ്ടാഴ്ച മുമ്പ് എളമ്പേരം പാറയിലും ഇത്തരം തൊഴിലാളികളുടെ ശീട്ടുകളി പോലീസ് പിടിച്ചിരുന്നു.