ശീട്ടുകളിസംഘം പിടിയില്‍, മൂന്ന്‌ലക്ഷം രൂപ പിടിച്ചെടുത്തു.
പാനൂര്‍: പാനൂരില്‍ വന്‍ ശീട്ടുകളിസംഘം പിടിയില്‍, മൂന്ന് ലക്ഷത്തിലേറെ രൂപ പിടിച്ചെടുത്തു.
വയനാട് കാട്ടിക്കുളം അമ്മാനി കോളനിയിലെ സി.ടി.അനില്‍(51), ചമ്പാട് അരയാക്കൂലിലെ താവുപ്പുറത്ത് വീട്ടില്‍ ടി.പി.പ്രിയേഷ്(38), ശിവപുരം കാഞ്ഞിലേരിയിലെ കാരോത്ത് വീട്ടില്‍ എ.സുരേഷ്ബാബു(44), പന്ന്യന്നൂര്‍ കുന്നോത്ത് വീട്ടില്‍ എം.കെ.നിജി എന്ന നിജിത്ത്(40), അരയാക്കൂല്‍ ജമ്മീന്റവിടെ വീട്ടില്‍ ജെ.ബിജു(44), വടകര പുതുപ്പണത്തെ കാനങ്കോട്ടെ പതിയാരക്കര ആഷിക്ക് മന്‍സിലില്‍ ബി.പി.നാസര്‍(48), പുതുപ്പണം കോട്ടക്കടവിലെ പടിഞ്ഞാറേ തുരുത്തിയില്‍ വീട്ടില്‍ പി.ടി.പ്രദീപന്‍(55) എന്നിവരെയാണ് എസ്.ഐ.പി.ജി.രാംജിത്തിന്റെ നേതൃത്വത്തില്‍ പിടികൂടിയത്.
ഇന്നലെ ഉച്ചകഴിഞ്ഞ് 2.25 ന് അരയാക്കൂല്‍ പൂരൂട്ടിപ്പറമ്പിലെ ആളൊഴിഞ്ഞ പറമ്പില്‍ വെച്ചാണ് ശീട്ടുകളിയിലേര്‍പ്പെട്ട സംഘത്തെ പിടികൂടിയത്.
ഇവരില്‍ നിന്ന് 3,04,620 രൂപയും പിടിച്ചെടുത്തു. വിദൂര സ്ഥലങ്ങളില്‍ നിന്നും വാഹനത്തിലെത്തി ശീട്ടുകളിയിലേര്‍പ്പെട്ടുവരുന്ന സംഘമാണ് പാനൂരില്‍ കടുങ്ങിയത്.