വിവാഹസമ്മാനങ്ങള്‍ തട്ടിയെടുത്തു, ശാരീരിക-മാനസിക പീഡനം: ഭര്‍ത്താവിനും ബന്ധുക്കള്‍ക്കുമെതിരെ കേസ്.

തളിപ്പറമ്പ്: വിവാഹസമ്മാനമായി ലഭിച്ച സ്വര്‍ണ്ണവും പണവും തട്ടിയെടുക്കുകയും, കൂടുതല്‍ സ്വര്‍ണവും പണവും ആവശ്യപ്പെട്ട് ശാരീരിക-മാനസിക പീഡനമേല്‍പ്പിക്കുകയും ചെയ്ത സംഭവത്തില്‍ ഭര്‍ത്താവിനും മാതാവിനും മാതൃസഹോദരിക്കുമെതിരെ തളിപ്പറമ്പ് പോലീസ് കേസെടുത്തു.

പൂമംഗലത്തെ കക്കോട്ടകത്ത് വീട്ടില്‍ എം.ഷമീനയുടെ(34)പരാതിയിലാണ് കേസ്.

ഭര്‍ത്താവ് കുറുമാത്തൂര്‍ ഡയറിയിലെ മുഹമ്മദ്, ഉമ്മ ഖദീജ, ഖദീജയുടെ സഹോദരി നസീമ എന്നിവര്‍ക്കെതിരെയാണ് കേസ്.

2010 ജൂണ്‍-30 ന് വിവാഹിതരായ ഇരുവരും ഭര്‍തൃവീട്ടില്‍ താമസിച്ചുവരവെയാണ് മൂവരും ചേര്‍ന്ന് പീഡിപ്പിച്ചതെന്നാണ് പരാതി.