ഹോട്ടലുകളില്‍ റെയിഡ് ഉപയോഗശൂന്യമായ ഭക്ഷ്യവസ്തുക്കള്‍ പിടിച്ചെടുത്തു-
തളിപ്പറമ്പ്: തളിപ്പറമ്പ് നഗരസഭാ ആരോഗ്യവിഭാഗം ഇന്ന് രാവിലെ നടത്തിയ റെയിഡില്‍ പഴകിയതും ഉപയോഗശൂന്യവുമായ ഭക്ഷ്യവസ്തുക്കള്‍ പിടിച്ചെടുത്തു.
കരിമ്പം താലൂക്ക് ആശുപത്രിക്ക് സമീപത്തെ ഹോട്ടല്‍ റഹ്മത്ത്, തളിപ്പറമ്പ് താലൂക്ക് ആശുപത്രി കാന്റീന്‍ എന്നിവിടങ്ങളില്‍ നിന്നാണ് ഭക്ഷ്യയോഗ്യമല്ലാത്ത സാധനങ്ങള്‍ പിടിച്ചത്.
റഹ്മത്തില്‍ നിന്നും 5 കിലോ പഴകിയ ചോറ്, താലൂക്ക് ആശുപത്രി കാന്റീനില്‍ നിന്ന് 10 കിലോ ചോറ്, 50 പൊറോട്ട, ആറ് ചപ്പാത്തി, ഒരു കിലോ ബീഫ്, അയല പൊരിച്ചത് എന്നിവയും പിടിച്ചെടുത്തു.
കോ-ഓപ്പറേറ്റീവ് ആശുപത്രി കാന്റീന്‍, മലബാര്‍ ഹോട്ടല്‍, മന്നയിലെ സിതാര ഹോട്ടല്‍ എന്നിവിടങ്ങളിലും റെയിഡ് നടന്നു.
ഇവിടങ്ങളില്‍ കണ്ടെത്തിയ ന്യൂനതകള്‍ പരിഹരിക്കാന്‍ നോട്ടീസ് നല്‍കും. നഗരസഭാ ഹെല്‍ത്ത് ഇന്‍സ്‌പെക്ടര്‍ എം.അബ്ദുള്‍സത്താര്‍, ജെ.എച്ച്.ഐ ബിജോയ് പി.ജോസഫ് എന്നിവര്‍ റെയിഡില്‍ പങ്കെടുത്തു.