ബസ്റ്റാന്റിനകത്ത് സ്വകാര്യ കാറിന്റെ അനധികൃത പാര്‍ക്കിംഗ്-
തളിപ്പറമ്പ്: ബസുകള്‍ തന്നെ നിര്‍ത്തിയിടാന്‍ സൗകര്യമില്ലാത്ത തളിപ്പറമ്പ് നഗരസഭാ ബസ്റ്റാന്റില്‍ സ്വകാര്യ കാറിന്റെ സുരക്ഷിത പാര്‍ക്കിംഗ്.
ഇതേ തടയാനോ ചോദ്യംചെയ്യാനോ ഉത്തരവാദപ്പെട്ട പോലീസുകാര്‍ ആരം തന്നെ പോലീസ് എയ്ഡ് പോസ്റ്റിനകത്തില്ല.
ഇന്ന് ഉച്ചകഴിഞ്ഞ് 2.45 നാണ് സംഭവം.
സ്വകാര്യ വാഹനങ്ങള്‍ കയറുന്നതിന് കര്‍ശനമായ നിയന്ത്രണമുള്ള ബസ്റ്റാന്റിലേക്ക് കാര്‍ കൊണ്ടുവന്ന് പാര്‍ക്ക് ചെയ്തശേഷം ഓടിച്ചുവന്ന ആള്‍ എങ്ങോട്ടോ പോയി.
പത്ത് മിനുട്ടുകള്‍ക്ക് ശേഷമാണ് ഇയാള്‍ കാറുമായി തിരികെ പോയത്. ജയില്‍ വകുപ്പിന്റെ മൊബൈല്‍ വാഹനം പോലും പോലീസില്‍ നിന്ന് പ്രത്യേക അനുമതി വാങ്ങിയാണ് ബസ്റ്റാന്റിന് സമീപം വില്‍പ്പന നടത്തുന്നത് എന്നിരിക്കെയാണ് ഈ അതിക്രമം.
പോലീസ് എയിഡ് പോസ്റ്റിലാവട്ടെ ഈ സമയം ആരുമുണ്ടായിരുന്നില്ല. ഒരു തൊപ്പി മാത്രമാണ് അകത്തുണ്ടായിരുന്നത്.
രാവിലെയും വൈകുന്നേരവും ഒഴികെയുള്ള സമയത്ത് എയിഡ് പോസ്റ്റ് മിക്കവാറും അടച്ചിട്ട നിലയിലാണ്.