ഇല്ല-പോസ്റ്റ് ഇനി വീഴില്ല–റിക്കാര്‍ഡ് വേഗത്തില്‍ നടപടിയെടുത്ത് കെ.എസ്.ഇ.ബി-കണ്ണൂര്‍ ഓണ്‍ലൈന്‍ന്യൂസ് ഇംപാക്ട്-
തളിപ്പറമ്പ്: ഇല്ല, ഇനി പോസ്റ്റ് പൊട്ടിവീഴില്ല, തളിപ്പറമ്പ് കെ.എസ്.ഇ.ബി അടിയന്തിരമായി ഇടപെട്ട് മെയിന്‍ റോഡിലെ അപകടപോസ്റ്റ് മാറ്റി പുതിയത് സ്ഥാപിച്ചു.
ഇന്നലെ ഇത് സംബന്ധിച്ച് കണ്ണൂര്‍ ഓണ്‍ലൈന്‍ന്യൂസ് വാര്‍ത്ത നല്‍കിയിരുന്നു.
വാര്‍ത്ത ശ്രദ്ധയില്‍പെട്ടതോടെയാണ് ഇന്ന് രാവിലെ തന്നെ വൈദ്യുതി വകുപ്പ് അധികൃതര്‍ സ്ഥലത്തെത്തിയത്.
വാര്‍ത്തയില്‍ പറഞ്ഞതിനേക്കാള്‍ സംഗതി ഗൗരവമാണെന്ന് വ്യക്തമായതോടെ പോസ്റ്റ് അടിയന്തിരമായി മാറ്റി സ്ഥാപിക്കുകയായിരുന്നു.
നഗരസഭാ ലൈബ്രറി കെട്ടിടത്തിന്റെ സമീപത്തായാണ് ഈ അപകടകരമായ പോസ്റ്റ് നിന്നിരുന്നത്.
ദിനമെന്നോണം ഇത് റോഡിലേക്ക് ചെരിഞ്ഞുകൊണ്ടിരിക്കുകയായിരുന്നു.
ഈ പോസ്റ്റില്‍ നിന്നും നിരവധി വൈദ്യുതി കണക്ഷന്‍ പോകുന്നുണ്ട്. ആ വയറുകളുടെ ബലത്തിലാണ് പോസ്റ്റ് ഇത്തരത്തിലെങ്കിലും നിലനിന്നിരുന്നത്.
പോസ്റ്റ് കടപുഴകി വീണിരുന്നുെവങ്കില്‍ തിരക്കേറിയ മെയിന്‍ റോഡില്‍ വന്‍ ദുരന്തം തന്നെ സംഭവിക്കുമായിരുന്നു.