ഇന്ത്യന്‍ ഗ്രാന്റ് മുഫ്തി കാന്തപുരം ഇന്ന് പട്ടുവത്ത്.
തളിപ്പറമ്പ്: കാന്തപുരം എ.പി.അബൂബക്കര്‍ മുസലിയാര്‍ ഇന്ന് വൈകുന്നേരം പട്ടുവത്ത്.
കര്‍മ്മ കുശലതയുടെ 7 പതിറ്റാണ്ട് പൂര്‍ത്തിയാക്കിയ പട്ടുവം ഉസ്താദിന് ജന്മനാട് നല്‍കുന്ന സ്വീകരണ സമ്മേളനത്തിന്റെ സമാപന പരിപാടികള്‍ കന്‍സുല്‍ ഉലമ നഗറില്‍ കാന്തപുരം ഉദ്ഘാടനം ചെയ്യും.
അബ്ദുല്‍ ഹക്കീം സഅദി അധ്യക്ഷത വഹിക്കും.
കേരള മുസ്ലിം ജമാഅത്ത് സംസ്ഥാന ജന. സെക്രട്ടറി ബദറുസാദാത്ത് സയ്യിദ് ഇബ്രാഹിം ഖലീലുല്‍ ബുഖാരി തങ്ങള്‍ ആദരവ് സമര്‍പ്പിക്കും.
സയ്യിദ് കെ.എസ്.ആറ്റക്കോയ തങ്ങള്‍ അനുഗ്രഹഭാഷണവും എസ്.വൈ.എസ് സംസ്ഥാന ജന.സെക്രട്ടറി ഡോ.അബ്ദുല്‍ ഹക്കീം അസ്ഹരി ആമുഖവും സമസ്ത സെക്രട്ടറി പേരോട് അബ്ദുറഹ്‌മാന്‍ സഖാഫി മുഖ്യപ്രഭാഷണവും നടത്തും.
സമ്മേളനത്തോടനുബന്ധിച്ച് പട്ടുവത്തിന്റെ പൗരാണിക ചലനങ്ങള്‍ ഒപ്പിയെടുത്ത ഓളങ്ങള്‍ പട്ടുവം കഥ പറയുന്നു എന്ന സുവനീറിന്റെ പ്രകാശന കര്‍മം എം.വിജിന്‍ എംഎല്‍എ റെയിന്‍ബോ ഹമീദ് ഹാജിക്ക് നല്‍കി നിര്‍വഹിക്കും.
എസ്.വൈ.എസ് സാന്ത്വനം ഉപകരണങ്ങളുടെ വിതരണ ഉദ്ഘാടനം് സംസ്ഥാന സെക്രട്ടറിമാരായ ആര്‍.പി.ഹുസൈന്‍ മാസ്റ്റര്‍, അബ്ദുല്‍ റഷീദ് നരിക്കോട് എന്നിവര്‍ നിര്‍വഹിക്കും.