മദ്യവില്‍പ്പന; പാലകുളങ്ങര സ്വദേശി പിടിയില്‍.
തളിപ്പറമ്പ്: വില്‍പ്പനക്കായി സൂക്ഷിച്ച മദ്യവുമായി യുവാവ് എക്‌സൈസ് പിടിയില്‍.
തളിപ്പറമ്പ് പാലകുളങ്ങര സ്വദേശി പി.വി.ജയേഷിനെയാണ് തളിപ്പറമ്പ് എക്‌സൈസ് സര്‍ക്കിള്‍ ഓഫീസിലെ അസി.എക്‌സൈസ് ഇന്‍സ്‌പെക്ടര്‍ (ഗ്രേഡ്) കെ.കെ.രാജേന്ദ്രന്റെ നേതൃത്വത്തില്‍ അറസ്റ്റ് ചെയ്തത്.
തളിപ്പറമ്പ്, മന്ന, പാലകുളങ്ങര ഭാഗങ്ങളില്‍ നടത്തിയ റെയിഡില്‍ പാലകുളങ്ങര വില്‍പ്പനയ്ക്കായി സൂക്ഷിച്ചു വച്ച 4 ലിറ്റര്‍ വിദേശ മദ്യം സഹിതമാണ് ജയേഷിനെ പിടികൂടിയത്.
ഇയാള്‍ നിരവധി അബ്കാരി കേസുകളില്‍ പ്രതിയാണെന്ന് എക്‌സൈസ് പറഞ്ഞു.
കോടതിയില്‍ ഹാജരാക്കിയ ജയേഷിനെ റിമാന്‍ഡ് ചെയ്തു.
സിവില്‍ എക്‌സൈസ് ഓഫീസര്‍മാരായ പി.ആര്‍.വിനീത്, പി.സൂരജ്. ഡ്രൈവര്‍ പി.വി.അജിത്ത് എന്നിവരും റെയിഡില്‍ പങ്കെടുത്തു.