18 കുപ്പി മദ്യവുമായി രണ്ട് യുവാക്കള്‍ പിടിയില്‍.
തളിപ്പറമ്പ്: പതിനെട്ട് കുപ്പി മദ്യവുമായി രണ്ട് യുവാക്കള്‍ എക്‌സൈസിന്റെ പിടിയിലായി.
മട്ടന്നൂര്‍ ശിവപുരത്തെ ആര്‍.അനില്‍കുമാര്‍(31), കെ.നിധീഷ്(30) എന്നിവരാണ് ഇന്നലെ പാടിക്കുന്നില്‍വെച്ച് എക്‌സൈസിന്റെ പിടിയിലായത്.
പ്രിവന്റീവ് ഓഫീസര്‍ എം.വി.അഷ്‌റഫും സംഘവും ഓണം സ്‌പെഷ്യല്‍ ഡ്രൈവുമായി ബന്ധപ്പെട്ട് മയ്യില്‍-പാടിക്കുന്ന് ഭാഗങ്ങളില്‍ നടത്തിയ പട്രോളിംഗിലാണ് ഇരുവരും കുടുങ്ങിയത്.
പ്രതികളെ ശ്രീകണ്ഠാപുരം റെയ്ഞ്ച് ഓഫീസില്‍ ഹാജരാക്കി. സിവില്‍ എക്‌സൈസ് ഓഫീസര്‍മാരായ കെ.ശകത്ത്, പി.ആര്‍.വിനീത്, ഡ്രൈവര്‍ പി.വി.അജിത്ത് എന്നിവരും സംഘത്തില്‍ ഉണ്ടായിരുന്നു.