ഡ്യൂക്ക് ബൈക്കിന്റെ എയര് ഫില്റ്ററിനുള്ളില് കടത്തുകയായിരുന്ന എം.ഡി.എം.എ പിടികൂടി, നിടിയേങ്ങ സ്വദേശിയായ യുവാവ് അറസ്റ്റില്.
ഇരിട്ടി: ഡ്യൂക്ക് ബൈക്കിന്റെ എയര് ഫില്റ്ററിനുള്ളില് കടത്തുകയായിരുന്ന എം.ഡി.എം.എ പിടികൂടി, നിടിയേങ്ങ സ്വദേശിയായ യുവാവ് അറസ്റ്റില്.
ശ്രീകണ്ഠാപുരം നിടിയേങ്ങ വല്യത്തറയില് വീട്ടില് ശിവദാസന്റെ മകന് വി.എസ്.അമൃത്(28)നെയാണ് ഇരിട്ടി എസ്.ഐ എം.ജെ.ബെന്നിയും റൂറല് ജില്ലാ പോലീസ് മേധാവിയുടെ കീഴില് പ്രവര്ത്തിക്കുന്ന ഡാന്സാഫ് ടീമും ചേര്ന്ന് പിടികൂടിയത്.
18.639 ഗ്രാം എം.ഡി.എം.എ അയാളില് നിന്ന് പിടിച്ചെടുത്തു.
ഇന്നലെ വൈകുന്നേരം 5.40 നാണ് കൂട്ടുപുഴയില് വെച്ച് വാഹനപരിശോധനക്കിടെ അമൃത് പിടിയിലായത്.
ടി 1224കെ.എല്5419 ക്യു- താല്ക്കാലിക രജിസ്ട്രേഷന് ബൈക്കിലാണ് ഇയാള് ബംഗളൂരുവില് നിന്നും എം.ഡി.എം.എ കടത്തിയത്.
സി.പി.ഒ നിസാമുദ്ദീന്, ഡ്രൈവര് ആദര്ശ്, ഡാന്സാഫ് ടീമിലെ എസ്.ഐ ജിജി മോന്, സീനിയര് സി.പി.ഒമാരായനിഷാദ്, ഷൗക്കത്തലി എന്നിവരും എം.ഡി.എം.എ പിടികൂടിയ പോലീസ് സംഘത്തില് ഉണ്ടായിരുന്നു.
പോലീസിന്റെ അതീവ ജാഗ്രതയോടുകൂടിയ പരിശോധന കൊണ്ട് മാത്രമാണ് എം.ഡി.എം.എപിടികൂടാന് സാധിച്ചത്.