റോഡില്‍ ചെളിനിറഞ്ഞു, കാല്‍നടക്കാരും ഇരുചക്രവാഹനയാത്രികരും ദുരിതത്തില്‍.
വെള്ളാവ് റോഡില്‍ ചെളിയും ചരളും നിറഞ്ഞു, ഇരുചക്രവാഹനങ്ങള്‍ക്ക് മരണക്കെണി.
പരിയാരം പഞ്ചായത്തില്‍ തളിപ്പറമ്പ്-വെള്ളാവ് റോഡില്‍ ഏഴുകുന്നിലാണ് ഈ അപകടക്കെണി.
ഏഴുകുന്ന് ഇറക്കത്തിലുള്ള വെള്ളാവിലേക്കുള്ള ടാര്‍ റോഡില്‍ നിറയെ ചെളി കെട്ടിക്കിടക്കാന്‍ തുടങ്ങിയിട്ട് ദിവസങ്ങളായി.
ഇവിടെ പണിനടക്കുന്ന ഒരു സ്വകാര്യ സ്ഥാപനത്തിലേക്ക് റോഡ് നിര്‍മ്മിച്ചതോടെയാണ് അവിടെ നിന്ന് ചെളിയും വള്ളവും ഒളിച്ചിറങ്ങി ഇതുവഴിയുള്ള കാല്‍നടയാത്ര പോലും അപകടത്തിലായത്.
ഇരുചക്ര വാഹനയാത്രികര്‍ ഇവിടെ വഴുതിവീണ് അപകടം സംഭവിക്കുന്നത് നിത്യസംഭവമായി മാറിയിരിക്കയാണ്.
നാട്ടുകാര്‍ ബന്ധപ്പെട്ട അധികൃതര്‍ക്ക് മുന്നില്‍ പരാതിയുമായി എത്തിയെങ്കിലും നടപടികളൊന്നും ഉണ്ടാകുന്നില്ലെന്ന് പരാതിപ്പെടുന്നു.
അടിയന്തിര നടപടികള്‍ ഉണ്ടായില്ലെങ്കില്‍ മഴ കനക്കുന്നതോടെ സ്ഥിതി രൂക്ഷമാകാനിടയുണ്ട്.