പേരാവൂരില്‍ ഭാര്യയെ വെട്ടിക്കൊന്ന ഭര്‍ത്താവ് പോലീസ് കസ്റ്റഡിയില്‍.
പേരാവൂര്‍: ഭാര്യയെ വെട്ടിക്കൊലപ്പെടുത്തിയ ഭര്‍ത്താവിനെ പോലീസ് കസ്റ്റഡിയിലെടുത്തു.
പേരാവൂര്‍ കുട്ടിച്ചാത്തന്‍ കണ്ടിയിലെ മുണ്ടക്കല്‍ ജോണ്‍(64)നെയാണ് പോരാവൂര്‍ പോലീസ് ഇന്ന് വൈകുന്നേരം കസറ്റഡിയിലെടുത്തത്.
ഭാര്യ ലില്ലിക്കൂട്ടിയെയാണ് ജോണ്‍ ഇന്ന് വൈകുന്നേരം നാലരയോടെ വെട്ടിക്കൊന്നത്.
ലില്ലിക്കുട്ടിയെ രക്ഷിക്കാന്‍ ശ്രമിക്കുന്നതിനിടെ മകന്‍ ദിവിഷിന്റെ ഭാര്യാ സഹോദരന്‍ അനൂപിനും കൈക്ക് വെട്ടേറ്റു.
കണ്ണൂര്‍ എ.കെ.ജി ആശുപത്രിയില്‍ ചികിത്സയില്‍ കഴിഞ്ഞിരുന്ന ലില്ലിക്കുട്ടി ആശുപത്രിയില്‍ നിന്ന് ഡിസ്ചാര്‍ജ് ആയി വീട്ടിലെയപ്പോഴായിരുന്നു ഭര്‍ത്താവ് ജോണ്‍ ലില്ലിക്കുട്ടിയെ വെട്ടിക്കൊലപ്പെടുത്തിയത്.
സാരമായി പരിക്കേറ്റ ലില്ലിക്കുട്ടിയെ പേരാവൂര്‍ താലൂക്ക് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല.
മൃതദേഹം പോസ്റ്റ് മോര്‍ട്ടത്തിനായി പരിയാരം കണ്ണൂര്‍ ഗവ.മെഡിക്കല്‍ കോളേജ് ആശുപത്രിയിലേക്ക് മാറ്റി.
മക്കള്‍: ദീപ്തി (യു.കെ), ദീപീഷ് (കുവൈത്ത്).
നാട്ടുകാരുടെ സഹായത്തോടെയാണ് പ്രതി ജോണിനെ പേരാവൂര്‍ പോലീസ് കസ്റ്റഡിയിലെടുത്തത്.
ഇയാള്‍ മാനസിക വെല്ലുവിളി നേരിടുന്നയാളാണെന്ന് പോലീസ് പറഞ്ഞു.