പണിമുടക്കിന് ഐക്യദാര്‍ഡ്യം-മെഡിക്കല്‍ കോളേജില്‍ പ്രകടനം നടത്തി
പരിയാരം: യു.ഡി.എഫ് അനുകൂല സര്‍ക്കാര്‍ ജീവനക്കാരും അദ്ധ്യാപകരുടെയും പണിമുടക്ക് സമരത്തിന് അഭിവാദ്യം അര്‍പ്പിച്ചു കൊണ്ട് എന്‍.ജി.ഒ അസോസിയേഷന്‍ പരിയാരം കണ്ണൂര്‍ ഗവ. മെഡിക്കല്‍ കോളേജ് ബ്രാഞ്ച് പ്രകടനം നടത്തി.
ഗവ. മെഡിക്കല്‍ കോളേജിനെ സംബന്ധിച്ച് 2016 ന് ശേഷമുള്ള ആനുകൂല്യങ്ങള്‍ നല്‍കുകയോ ശമ്പള പരിഷ്‌ക്കരണം നടപ്പിലാക്കുകയോ ചെയ്തിട്ടില്ല. മാത്രമല്ല സഹകരണത്തിലാണോ സര്‍ക്കാരിലാണോ എന്ന് തിരിച്ചറിയാന്‍ സാധിക്കാത്ത നിലയില്‍ ജീവിതം തകര്‍ന്ന് വീര്‍പ്പുമുട്ടി കഴിയുകയാണ് ജീവനക്കാര്‍.
ജീവനക്കാരെ സര്‍ക്കാര്‍ ജീവനക്കാരാക്കാനോ അവരുടെ സര്‍വ്വീസ് പ്രൊട്ടക്ഷന്‍ ചെയ്യാനോ ഇതുവരെ തയ്യാറായിട്ടുമില്ല. പണിമുടക്കുന്ന സര്‍ക്കാര്‍ ജീവനക്കാര്‍ക്കും അദ്ധ്യാപകര്‍ക്കും ഐക്യദാര്‍ഢ്യം പ്രകടിപ്പിച്ച് നടന്ന പ്രതിഷേധയോഗത്തില്‍ പി.ഐ ശ്രീധരന്‍, യു.കെ മനോഹരന്‍, ഒ.വി.സീന എന്നിവര്‍ പ്രസംഗിച്ചു.
പ്രകടനത്തിന് കെ.വി.ദിലീപ്കുമാര്‍, കെ.ശാലിനി, ടി.വി.ഷാജി, പി.രംഗനാഥന്‍, പി.എം.അനൂപ്, കെ.ആര്‍.സുരേഷ്, പി.വി. രാമചന്ദ്രന്‍, കെ.വി.പ്രേമാനന്ദ്, പി.വി.സുരേഷ് ബാബു, റോബിന്‍ ബേബി, പി.വി.ടി.പ്രദീപന്‍ എന്നിവര്‍ നേതൃത്വം നല്‍കി.