ലഹരി ഉപയോഗത്തിനെതിരെ വാഹനറാലിയും സൗഹൃദഫുട്‌ബോള്‍ മല്‍സരവും
തളിപ്പറമ്പ്: വര്‍ദ്ധിച്ചുവരുന്ന ലഹരി ഉപയോഗത്തിനെതിരെ പൊതുജനങ്ങളെ ബോധവാന്‍മാരാക്കുക എന്ന ലക്ഷ്യത്തോടെ തളിപ്പറമ്പ് ഫയര്‍ ആന്റ് റെസ്‌ക്യൂ സ്റ്റേഷനും
സര്‍ സയ്യിദ് കോളേജ് സ്റ്റാഫ് അസോസിയേഷനും സംയുക്തമായി വാഹന റാലിയും സൗഹൃദ ഫുട്‌ബോള്‍ മത്സരവും സംഘടിപ്പിച്ചു.
ലഹരി വിരുദ്ധ സന്ദേശ വാഹനറാലി തളിപ്പറമ്പ് സ്റ്റേഷന്‍ ഓഫീസര്‍ സി.പി.രാജേഷ് ഫ്‌ലാഗ്ഓഫ് ചെയ്തു.
ഫയര്‍ സ്റ്റേഷന്‍ പരിസരത്തു നിന്നും ആരംഭിച്ച റാലി നഗരം ചുറ്റി സര്‍ സയ്യിദ് കോളേജിന് സമീപം സമാപിച്ചു.
തുടര്‍ന്നു നടന്ന സൗഹൃദ ഫുട്‌ബോള്‍ മത്സരം പ്രഫ.ലൂസി റെമി കിക്കോഫ് ചെയ്തു.
മത്സരത്തില്‍ സ്റ്റാഫ് അസോസിയേഷന്‍ ടീം വിജയികളായി. അസിസ്റ്റന്റ് സ്റ്റേഷന്‍ ഓഫീസര്‍ ടി.അജയന്‍,
പ്രഫ.പി.സി.സിദ്ദീഖ്, ഡോ:മുംതാസ്, സിവില്‍ ഡിഫന്‍സ് പോസ്റ്റ് വാര്‍ഡന്‍ പി.കെ.സുരേഷ് തുടങ്ങിയവര്‍ സംസാരിച്ചു.