ജില്ലാ വാർത്തകൾ കുളത്തില്‍ വീണ പശുവിനെ രക്ഷപ്പെടുത്തി. Kannur News March 2, 2023 പെരിങ്ങോം: കുളത്തില്‍ വീണ പശുവിനെ രക്ഷപ്പെടുത്തി. എരമം-കുറ്റൂര്‍ പഞ്ചായത്തിലെ പച്ചാണിയിലെ കെ.വി.സിബിയുടെ പറമ്പിലെ 5 മീ. താഴ്ചയുള്ള കുളത്തില്‍ വീണ അദ്ദേഹത്തിന്റെ തന്നെ പശുവിനെയാണ് പെരിങ്ങോം അഗ്‌നിരക്ഷാസേന രക്ഷപ്പെടുത്തിയത്. അസി:സ്റ്റേഷന്‍ ഓഫീസര്‍ സി.പി.ഗോകുല്‍ദാസിന്റെ നേതൃത്വത്തിലുള്ള സംഘത്തില്‍പ്പെട്ട എ.രാമകൃഷ്ണന്‍ കുളത്തില്‍ ഇറങ്ങിയാണ് ബെല്‍റ്റ് ഘടിപ്പിച്ച് പശുവിനെ പുറത്തെത്തിച്ചത്. ഇന്നലെ വൈകുന്നേരമായിരുന്നു സംഭവം. മറ്റ് സേനാഗങ്ങളായ സി.ശശിധരന്‍, പി.വി.ലതേഷ്, വി.വി.വിനീഷ്, കെ. ദിനേശന്‍, വി.എന്‍.രവീന്ദ്രന്‍ എന്നിവരും രക്ഷാപ്രവര്‍ത്തനത്തില്‍ പങ്കെടുത്തു.
